નારી તું નારાયણી…..મળો NDAની મહિલા કેડેટ્સની પ્રથમ બેચને, સેનાએ શેર કરી તસવીરો

સશસ્ત્ર દળોમાં મહિલાઓની ભાગીદારી સતત વધી રહી છે. ગયા વર્ષે જ સુપ્રીમ કોર્ટે મહિલાઓ માટે નેશનલ ડિફેન્સ એકેડમી (NDA)ની પરીક્ષામાં ભાગ લેવાનો માર્ગ સાફ કર્યો હતો. આમ 19 કેડેટ્સની પ્રથમ બેચ પુણેના ખડકવાસલા ખાતેની ટ્રાઈ-સર્વિસ એકેડમીમાં જોડાઈ હતી. આ કેડેટ્સ એનડીએ (મહિલા) ના 148મા કોર્સનો ભાગ છે. હવે એનડીએની મહિલા કેડેટ્સની પ્રથમ બેચની તસવીરો સામે આવી છે, જેમાં તેઓ યુનિફોર્મમાં જોઈ શકાય છે. આ દરમિયાન સદર્ન આર્મી કમાન્ડર લેફ્ટનન્ટ જનરલ અજય કુમાર સિંહ પણ તેમની સાથે છે.

NDAમાં જોડાનારી આ મહિલા કેડેટ્સને પણ પુરૂષ સમકક્ષોની જેમ જ તાલીમ લેવી પડશે. તેમને અહીં ત્રણ વર્ષ સુધી ટ્રેનિંગ આપવામાં આવશે. એકવાર તાલીમ પૂર્ણ થયા પછી, તેઓને તેમની સેવામાં સ્થાનાંતરિત કરવામાં આવશે. સેનામાં મહિલાઓની વધતી ભાગીદારી એ પોતાનામાં ગર્વની વાત છે. સુપ્રીમ કોર્ટે મહિલાઓને એનડીએ પરીક્ષામાં ભાગ લેવાની મંજૂરી આપ્યા બાદ એવું માનવામાં આવે છે કે દર વર્ષે મહિલા કેડેટ્સની સંખ્યામાં વધારો થશે.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

Lt Gen AK Singh,#ArmyCommander,#SouthernCommand during his visit to #NDA to witness #POP of 143 Course, interacted with the first batch of girl cadets undergoing training & motivated them all to strive for excellence. Commandant & Director #AFMC was also present#StrongAndCapable pic.twitter.com/4zEYICzZER

— Southern Command INDIAN ARMY (@IaSouthern) November 30, 2022

આ બેચ 2025માં થશે પાસ આઉટ

NDAમાં મહિલાઓની પ્રથમ બેચને આ વર્ષે જૂનમાં સામેલ કરવામાં આવી હતી. આ બેચમાં 19 મહિલાઓ છે, જેમાંથી 10 આર્મી માટે, 6 એરફોર્સ અને 3 નેવી માટે છે. આ બેચ 148માં કોર્સનો ભાગ છે, જે મે 2025માં પાસ આઉટ થવા જઈ રહ્યો છે. તસવીરોમાં જોઈ શકાય છે કે મહિલા કેડેટ્સે છોકરાઓની જેમ વાળ કપાવ્યા છે. આ દરમિયાન NDAમાં સામેલ થવાની તેમની ખુશી જોઈ શકાય છે.

તસવીરોમાં જોઈ શકાય છે કે સદર્ન આર્મી કમાન્ડર લેફ્ટનન્ટ જનરલ અજય કુમાર સિંહ તેમને ટિપ્સ આપી રહ્યા છે. તેઓ તાલીમ લઈ રહેલી મહિલા કેડેટ્સને મળ્યા અને ભવિષ્યમાં પોતાનું સર્વશ્રેષ્ઠ પ્રદર્શન કરવા પ્રેર્યા. આ પ્રસંગે સર્જન વાઈસ-એડમિરલ આરતી સરીન, કમાન્ડન્ટ અને આર્મ્ડ ફોર્સિસ મેડિકલ કોલેજ (AFMC)ના નિયામક પણ હાજર હતા.

1.7 લાખ મહિલાઓએ આપી હતી NDAની પરીક્ષા

રાજ્ય મંત્રી અજત ભટ્ટે નવેમ્બર 2021માં સંસદમાં માહિતી આપી હતી કે, 1.77 લાખ મહિલાઓએ NDAની પરીક્ષા આપી હતી. આ પરીક્ષામાં પસંદ કરાયેલા ઉમેદવારોની અંતિમ યાદી 14 જૂન, 2022ના રોજ બહાર પાડવામાં આવી હતી. રિપોર્ટ અનુસાર, 19 મહિલાઓની પસંદગી કરવામાં આવશે. તેમાંથી 10 આર્મીમાં, 6 એરફોર્સમાં અને 3 નેવીમાં જોડાશે.

મીડિયા રિપોર્ટ્સમાં જણાવવામાં આવી રહ્યું છે કે 2022 NDA EXAM માટે 1,47,000 મહિલાઓએ રજીસ્ટ્રેશન કરાવ્યું હતું. આ એક્ઝામ માટે રજીસ્ટ્રેશન કરવા વાળા કુલ 6,69,000 ઉમેદવારોના લગભગ 22 ટકા હતો.