JEE Advanced 2021: JEE Advanced પરીક્ષાનું પરિણામ આ તારીખે થશે જાહેર, આ રીતે કરાશે ચેક
JEE Advanced 2021: આગામી આ તારીખે ઇન્ડિયન ઇન્સ્ટિટ્યૂટ ઓફ ટેકનોલોજી (IIT) ખડગપુર દ્વારા JEE એડવાન્સ્ડ પરિણામ 2021 જાહેર કરવામાં આવશે.
JEE Advanced 2021: 15 ઓક્ટોબર 2021 ના રોજ ઇન્ડિયન ઇન્સ્ટિટ્યૂટ ઓફ ટેકનોલોજી (IIT) ખડગપુર દ્વારા JEE એડવાન્સ્ડ પરિણામ (JEE Advanced 2021 Result) 2021 જાહેર કરવામાં આવશે. JEE Advanced પરીક્ષાનું પરિણામ સત્તાવાર વેબસાઇટ jeeadv.ac.in પર જાહેર કરવામાં આવશે. JEE એડવાન્સ્ડ પરિણામ 2021 માં ત્રણેય વિષયોમાં વ્યક્તિગત રીતે અને એકંદરે લઘુત્તમ ક્વોલિફાઇંગ માર્ક્સ મેળવનાર ઉમેદવારો ક્વોલિફાય થશે અને JEE એડવાન્સ્ડ 2021 (JEE Advanced Result 2021) રેન્ક યાદીમાં સમાવિષ્ટ થશે.
સંયુક્ત પ્રવેશ પરીક્ષા એડવાન્સ્ડ 2021 ની આન્સર કી ગુરુવારે જ બહાર પાડવામાં આવી હતી. JEE એડવાન્સ પરીક્ષા 3 જી ઓક્ટોબરના રોજ લેવામાં આવી હતી. જેઇઇ એડવાન્સ પરીક્ષામાં બેઠેલા ઉમેદવારો સત્તાવાર વેબસાઇટ- jeeadv.ac.in પર જઈને આન્સર કી ડાઉનલોડ કરી શકે છે.
JEE એડવાન્સ્ડ 2021 (JEE Advanced 2021) માટેની અરજી પ્રક્રિયા 15 સપ્ટેમ્બર 2021 થી શરૂ કરવામાં આવી હતી. આમાં, ઉમેદવારોને ઓનલાઈન અરજી કરવા માટે 20 સપ્ટેમ્બર 2021 સુધીનો સમય મળ્યો. તે જ સમયે અરજી ફી જમા કરવાની છેલ્લી તારીખ 21 સપ્ટેમ્બર 2021 હતી. પરીક્ષાની આન્સર કી જાહેર થયા બાદ હવે ઉમેદવારો અંતિમ આન્સર કી અને પરિણામની રાહ જોઈ રહ્યા છે. પરિણામોના આધારે સીટ ફાળવણી પ્રક્રિયા 16 ઓક્ટોબર 2021 થી શરૂ થશે. કાઉન્સેલિંગ પ્રક્રિયા અગાઉના વર્ષની જેમ સંપૂર્ણપણે ઓનલાઈન રહેશે.
JEE Advanced Result 2021 આ રીતે કરાશે ચેક
સ્ટેપ 1: સૌ પ્રથમ સત્તાવાર વેબસાઇટ jeeadv.ac.in પર જાઓ. સ્ટેપ 2: વેબસાઈટ પર આપેલી રિઝલ્ટ લિંક પર ક્લિક કરો. સ્ટેપ 3: હવે તમારો રોલ નંબર અને જન્મ તારીખ ભરો અને સબમિટ કરો. સ્ટેપ 4: તમારું પરિણામ સ્ક્રીન પર દેખાશે. સ્ટેપ 5: હવે તેને તપાસો, તેની પ્રિન્ટ લઈ લો અને તમારી પાસે રાખો.
JEE Advanced 2021: આગામી શેડ્યૂલ
- JEE એડવાન્સ્ડ 2021ની અંતિમ આન્સર કી અને પરિણામની જાહેરાત – 15 ઓક્ટોબર, 2021
- આર્કિટેક્ચર એપ્ટિટ્યુડ ટેસ્ટ માટે ઓનલાઈન નોંધણી – 15 ઓક્ટોબરથી 16 ઓક્ટોબર, 2021
- આર્કિટેક્ચર એપ્ટિટ્યુડ ટેસ્ટ (AAT) – 18 ઓક્ટોબર, 2021
- AAT પરિણામોની જાહેરાત – 22 ઓક્ટોબર, 2021
- સીટ ફાળવણી પ્રક્રિયાની સંભવિત તારીખ – 16 ઓક્ટોબર, 2021
NEET SS પરીક્ષાની તારીખ જાહેર, 1 નવેમ્બરથી રજિસ્ટ્રેશનની પ્રક્રિયા થશે શરૂ
નેશનલ બોર્ડ ઓફ એક્ઝામિન ઇન મેડિકલ સાયન્સ, NBEMS એ NEET SS પરીક્ષા 2021 તારીખ જાહેર કરી છે. જૂની પેટર્નમાં NEET SS પરીક્ષા 10 જાન્યુઆરી 2022 ના રોજ લેવામાં આવશે. આ પરીક્ષા માટે નોંધણીની પ્રક્રિયા 1 નવેમ્બર, 2021થી ફરી શરૂ થશે. ઉમેદવારો NATBOARD ની સત્તાવાર વેબસાઇટ natboard.edu.in પર નોટિસ ચેક કરી શકે છે. 1 નવેમ્બરે બપોરે 3 વાગ્યે રજિસ્ટ્રેશન લિંક ફરી ખુલશે અને 22 નવેમ્બર, 2021 ના રોજ 11.55 વાગ્યે બંધ થશે.