TV9 GUJARATI | Edited By: Jayraj Vala
Jan 17, 2022 | 1:26 PM
IIT JAM 2022 Admit Card: ઈન્ડિયન ઈન્સ્ટિટ્યૂટ ઓફ ટેક્નોલોજી (IIT Roorkee) દ્વારા માસ્ટર્સ (IIT JAM) પરીક્ષા માટે જોઈન્ટ એડમિશન ટેસ્ટ માટેનું એડમિટ કાર્ડ બહાર પાડવામાં આવ્યું છે. આવી સ્થિતિમાં, જે ઉમેદવારોએ આ પરીક્ષા માટે અરજી કરી છે, તેમને સત્તાવાર વેબસાઇટની મુલાકાત લઈને પ્રવેશ કાર્ડ ડાઉનલોડ કરી શકે છે. અગાઉ એડમિટ કાર્ડ 04 જાન્યુઆરી 2022ના રોજ આપવામાં આવવાનું હતું, પરંતુ હવે આ તારીખ લંબાવવામાં આવી છે. ઉમેદવારોને પરીક્ષાની હોલ ટિકિટ ડાઉનલોડ કર્યા પછી સંપૂર્ણ વિગતો તપાસવાની સલાહ આપવામાં આવે છે. આ વર્ષે IIT JAM 2022ની પરીક્ષા (IIT JAM 2022) 13 ફેબ્રુઆરી 2022 ના રોજ લેવાશે.
IIT JAM 2022 પરીક્ષા IIT રૂરકી દ્વારા લેવામાં આવશે. એડમિટ કાર્ડ ડાઉનલોડ લિંક સત્તાવાર વેબસાઇટ jam.iitr.ac.in પર સક્રિય કરવામાં આવી છે. ઉમેદવારો વેબસાઇટ પર ઉપલબ્ધ સૂચનામાં પરીક્ષા સંબંધિત સંપૂર્ણ માહિતી મેળવી શકે છે.
નોંધ કરો કે, કોઈપણ સંજોગોમાં કોઈપણ ઉમેદવારને પ્રવેશ કાર્ડની કોઈ અલગ હાર્ડ કોપી મોકલવામાં આવશે નહીં. એડમિટ કાર્ડની પ્રિન્ટ ઓનલાઈન લીધા પછી જ તમારે પરીક્ષા કેન્દ્ર પર જવાનું રહેશે. આના વિના તમને પરીક્ષામાં બેસવા દેવામાં આવશે નહીં. એડમિટ કાર્ડની સાથે, તમારે કોઈપણ માન્ય ફોટો આઈડી પ્રૂફ જેમ કે – આધાર કાર્ડ, મતદાર આઈડી કાર્ડ, વગેરે સાથે રાખવું આવશ્યક છે.
IIT JAM “સંયુક્ત પ્રવેશ પરીક્ષા” છે. તે રાષ્ટ્રીય સ્તરની સંયુક્ત પ્રવેશ પરીક્ષા છે, આ પરીક્ષા પાસ કર્યા પછી મેળવેલા ગુણના આધારે IITs અને IIScમાં પ્રવેશ આપવામાં આવે છે. IIT JAM પરીક્ષા એ કમ્પ્યુટર આધારિત પરીક્ષા છે. આ પરીક્ષાનો સમયગાળો ત્રણ કલાકનો છે. પ્રશ્નપત્ર માત્ર અંગ્રેજી ભાષામાં છે.
