ESIC Recruitment 2021-22: કર્મચારી રાજ્ય વીમા નિગમમાં નોકરી મેળવવાની તક, 3800 થી વધુ જગ્યાઓ ભરતી

ESIC Recruitment 2021-22: કર્મચારી રાજ્ય વીમા નિગમમાં નોકરી મેળવવાની તક, 3800 થી વધુ જગ્યાઓ ભરતી
ESIC Recruitment 2022

ESIC Recruitment 2021-22: જો તમે ગ્રેજ્યુએટ છો, 12મું કે 10મું પાસ છો અને સરકારી નોકરી શોધી રહ્યા છો, તો તમારા માટે એક મોટી તક સામે આવી છે.

TV9 GUJARATI

| Edited By: Jayraj Vala

Dec 29, 2021 | 2:50 PM

ESIC Recruitment 2021-22: જો તમે ગ્રેજ્યુએટ છો, 12મું કે 10મું પાસ છો અને સરકારી નોકરી શોધી રહ્યા છો, તો તમારા માટે એક મોટી તક સામે આવી છે. કર્મચારી રાજ્ય વીમા નિગમ દ્વારા બમ્પર ભરતી જાહેર કરવામાં આવી છે. વર્ષ 2022ની શરૂઆતમાં ESIC 3800થી વધુ પદો પર ભરતી કરવા જઈ રહ્યું છે.

એમ્પ્લોઈઝ સ્ટેટ ઈન્સ્યોરન્સ કોર્પોરેશન (Employee State Insurance Corporation, ESIC) દ્વારા જાહેર કરાયેલા નોટિફિકેશન મુજબ, અપર ડિવિઝન ક્લાર્ક, સ્ટેનોગ્રાફર અને મલ્ટી-ટાસ્કિંગ સ્ટાફની ખાલી જગ્યાઓ ભરવામાં આવશે. આમાં, અરજીની પ્રક્રિયા 15 જાન્યુઆરી, 2022 થી શરૂ થશે. આમાં અરજી ઓનલાઈન મોડમાં હાથ ધરવામાં આવશે. ઉમેદવારોને અરજી કરવા માટે 15 ફેબ્રુઆરી 2021 સુધીનો સમય આપવામાં આવ્યો છે. આવી સ્થિતિમાં જે ઉમેદવારો તેના માટે અરજી કરવા માંગે છે તેઓ સત્તાવાર વેબસાઇટ પર ઉપલબ્ધ સૂચના જોઈ શકે છે.

ખાલી જગ્યાની વિગતો

રિપોર્ટ અનુસાર, એવું કહેવામાં આવી રહ્યું છે કે, આ ખાલી જગ્યા દ્વારા કુલ 3847 પદો પર ભરતી કરવામાં આવશે. અપર ડિવિઝન ક્લાર્ક (UDC) માટે 1726 જગ્યાઓ માટે ભરતી થશે. સ્ટેનોગ્રાફરની જગ્યા માટે 163 જગ્યાઓ ભરવામાં આવશે. આ ઉપરાંત, મલ્ટી ટાસ્કિંગ સ્ટાફની પોસ્ટ માટે 1931 બેઠકો નિર્ધારિત કરવામાં આવી છે. ઉમેદવારો અધિકૃત વેબસાઇટની મુલાકાત લઈને ખાલી જગ્યાની વિગતો ચકાસી શકે છે. તમને જણાવી દઈએ કે, આ ભરતીઓ દેશના અલગ-અલગ રાજ્યોમાં કરવામાં આવશે, જેની સંપૂર્ણ વિગતો વેબસાઈટ પર ઉપલબ્ધ નોટિફિકેશનમાં આપવામાં આવી છે.

કોણ કરી શકે અરજી ?

એમ્પ્લોઈઝ સ્ટેટ ઈન્સ્યોરન્સ કોર્પોરેશન (ESIC) દ્વારા જાહેર કરાયેલા નોટિફિકેશન મુજબ, અપર ડિવિઝન ક્લાર્કની જગ્યાઓ માટે અરજી કરનારા ઉમેદવારો પાસે કોઈપણ માન્ય સંસ્થામાંથી સ્નાતકની ડિગ્રી હોવી જોઈએ. આ સાથે અરજદારને કોમ્પ્યુટરનું જ્ઞાન હોવું જોઈએ.

બીજી તરફ, સ્ટેનોગ્રાફરની જગ્યા માટે અરજી કરનારા ઉમેદવારોએ નિયત ધોરણ મુજબ 12મું ધોરણ તેમજ હિન્દી અને અંગ્રેજી ભાષામાં ટાઇપિંગ કર્યું હોવું જોઈએ. આ ઉપરાંત, MTSની પોસ્ટ માટે અરજી કરનારા ઉમેદવારો 10મું પાસ હોવા જોઈએ. ઉમેદવારોએ નોંધ લેવી જોઈએ કે, દરેક પોસ્ટ માટે પસંદગીના માપદંડ અલગ-અલગ છે. તેથી, ઉમેદવારોને અરજી કરતા પહેલા નોકરીની સૂચના વાંચવાની સલાહ આપવામાં આવે છે.

આ પણ વાંચો: UPSC Engineering Services 2021 DAF: એન્જીનિયરિંગ સર્વિસ મેન્સ પરીક્ષા માટે DAF ફોર્મ થયું જાહેર, જુઓ તમામ વિગતો

આ પણ વાંચો: Success Story: 14 વર્ષની ઉંમરે થયા લગ્ન, બે બાળકો અને પરિવારની સંભાળ રાખતા એન અંબિકા બન્યા IPS ઓફિસર

Follow us on

Most Read Stories

Click on your DTH Provider to Add TV9 Gujarati