GSTની અસર, AIIMSના પ્રાઈવેટ વોર્ડમાં સારવાર મોંઘી, જાણો હવે કેટલો થશે એક દિવસનો ચાર્જ

હાલમાં જ હોટલ અને હોસ્પિટલ બંને પર 5 ટકા GST લાગુ કરવામાં આવ્યો છે. હોસ્પિટલના રૂમો પર જીએસટી લાદવાના કારણે દેશની સૌથી પ્રતિષ્ઠિત અને સૌથી મોટી હોસ્પિટલ એમ્સના ખાનગી વોર્ડ (AIIMS Private Ward) મોંઘા થઈ ગયા છે. ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સના ફાઈનાન્સ ડિવિઝન દ્વારા 20 જુલાઈના રોજ બહાર પાડવામાં આવેલા આદેશમાં સ્પષ્ટપણે કહેવામાં આવ્યું છે કે પ્રાઈવેટ વોર્ડના ડીલક્સ રૂમનો ચાર્જ હવે વધી ગયો છે. હાલમાં દૈનિક ભાડું રૂ. 6000 છે. GST નિયમો હેઠળ, જો કોઈ હોસ્પિટલના રૂમની કિંમત 5000 રૂપિયાથી વધુ છે, તો 5 ટકા GST વસૂલવામાં આવશે. આવી સ્થિતિમાં હવે ડીલક્સ રૂમનો ચાર્જ 6300 રૂપિયા પ્રતિદિન થઈ ગયો છે.

જો દર્દીને ડીલક્સ રૂમમાં ભોજનની સુવિધા જોઈતી હોય તો આ ચાર્જમાં 300 રૂપિયા એડિશનલ રહેશે. આ ભોજન પરિચારકો માટે પણ ઉપલબ્ધ રહેશે. રૂમનો ચાર્જ 6600 રૂપિયા પ્રતિ દિવસ હશે જેમાં માત્ર દર્દીના ભોજનનો સમાવેશ થાય છે. જો અટેન્ડન્ટ પણ ભોજન ખાય છે તો આ ચાર્જ પ્રતિ દિવસ 6900 રૂપિયા થશે. જણાવી દઈએ કે GST કાઉન્સિલની બેઠકમાં હોટલ અને હોસ્પિટલો પર GST લગાવવા પર વિચાર કરવામાં આવ્યો હતો. તેનો અમલ 18મી જુલાઈથી કરવામાં આવ્યો છે.

જૂનમાં ભાડું બમણું કરવામાં આવ્યું હતું

થોડા મહિના પહેલા એઈમ્સે પ્રાઈવેટ વોર્ડના ભાડામાં વધારો કર્યો હતો. A-કેટેગરીના ખાનગી વોર્ડનું ભાડું 3000 રૂપિયા પ્રતિ દિવસથી વધારીને 6000 રૂપિયા કરવામાં આવ્યું છે. બી કેટેગરીના વોર્ડનું ભાડું 2000 રૂપિયાથી વધારીને 3000 રૂપિયા પ્રતિ દિવસ કરવામાં આવ્યું છે. બંને કેટેગરીના રૂમના ભાડામાં પ્રવેશ ચાર્જનો સમાવેશ થાય છે અને આ નવો દર 1 જૂનથી લાગુ કરવામાં આવ્યો હતો.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

આ દરમિયાન ભોજનનો ચાર્જ વધારીને 300 રૂપિયા પ્રતિ દિવસ કરવામાં આવ્યો હતો. આ વધારા બાદ AIIMS દ્વારા એક નિવેદન જાહેર કરવામાં આવ્યું હતું કે 10 દિવસ એડવાન્સના આધારે A-કેટેગરી માટે 63000 રૂપિયા અને B-કેટેગરી માટે આ ચાર્જ 33000 રૂપિયા થઈ જાય છે.

જીએસટી કાઉન્સિલના નિર્ણય બાદ હોસ્પિટલો અને હોટલોની સાથે અનેક ખાદ્ય પદાર્થો પર પણ જીએસટી લાદવામાં આવ્યો છે. તેમાં લોટ, પનીર અને દહીં જેવી પ્રી-પેકેજ અને લેબલવાળી ખાદ્ય ચીજવસ્તુઓનો સમાવેશ થાય છે જેના પર પાંચ ટકા ગુડ્સ એન્ડ સર્વિસ ટેક્સ (GST) લાગશે. આ રીતે, 5,000 રૂપિયાથી વધુ ભાડાવાળા હોસ્પિટલના રૂમ પર પણ GST ચૂકવવો પડશે. આ સિવાય 1,000 રૂપિયા પ્રતિ દિવસથી ઓછા ભાડાની હોટેલ રૂમ પર 12 ટકાના દરે ટેક્સ વસૂલવાનું કહેવામાં આવ્યું છે.