જૂનમાં દેશની વેપાર ખાધ રેકોર્ડ સ્તરે પહોંચી, નિકાસમાં પણ વધારો થયો

ચાલુ નાણાકીય વર્ષના પ્રથમ ત્રણ મહિનામાં એટલે કે એપ્રિલ-જૂન ક્વાર્ટરમાં દેશની નિકાસ 22.22 ટકા વધીને 116.77 અબજ ડોલર થઈ છે. આ ગાળામાં આયાત 47.31 ટકા વધીને 187.02 બિલિયન ડોલર થઈ છે.

જૂનમાં દેશની વેપાર ખાધ રેકોર્ડ સ્તરે પહોંચી, નિકાસમાં પણ વધારો થયો
Exports grew 16.78 percent year-on-year in June to $37.94 billion
TV9 GUJARATI

| Edited By: Ankit Modi

Jul 05, 2022 | 7:00 AM

દેશની માલસામાનની નિકાસ (Export) જૂનમાં વાર્ષિક ધોરણે 16.78 ટકા વધીને 37.94 અબજ ડોલર થઈ છે. આ દરમિયાન વેપાર ખાધ પણ રેકોર્ડ સ્તરે 25.63 અબજ ડોલર પર પહોંચી ગઈ છે. સોમવારે સરકાર દ્વારા જારી કરાયેલા પ્રારંભિક નિકાસ ડેટા અનુસાર જૂન મહિનામાં દેશની આયાતમાં 51 ટકાનો વધારો થયો છે. જૂન 2021 ની સરખામણીમાં દેશમાં ગયા મહિને 63.58 બિલિયન ડોલરની આયાત કરવામાં આવી હતી. આ સાથે જૂન 2022માં દેશની વેપાર ખાધ વધીને 25.63 બિલિયન ડોલર થઈ ગઈ છે. ગયા વર્ષે જૂનમાં વેપાર ખાધ 9.61 અબજ ડોલર હતી.

આયાતમાં વધારો

ચાલુ નાણાકીય વર્ષના પ્રથમ ત્રણ મહિનામાં એટલે કે એપ્રિલ-જૂન ક્વાર્ટરમાં દેશની નિકાસ 22.22 ટકા વધીને 116.77 અબજ ડોલર થઈ છે. આ ગાળામાં આયાત 47.31 ટકા વધીને 187.02 બિલિયન ડોલર થઈ છે.

આ રીતે નાણાકીય વર્ષ 2022-23ના પ્રથમ ક્વાર્ટરમાં દેશની વેપાર ખાધ 70.25 બિલિયન ડોલર પર પહોંચી ગઈ છે. એક વર્ષ અગાઉ સમાન ક્વાર્ટરમાં તે 31.42 બિલિયન ડોલર હતું.

આ સિવાય તમને જણાવી દઈએ કે વાણિજ્ય મંત્રાલય આ વર્ષે સપ્ટેમ્બર પહેલા નવી પાંચ વર્ષની ફોરેન ટ્રેડ પોલિસી (FTP) લાવવાની તૈયારી કરી રહ્યું છે. દરેક જિલ્લાને નિકાસ હબ બનાવવાની યોજના પણ દસ્તાવેજનો ભાગ હશે. આ માહિતી આપતાં એક અધિકારીએ જણાવ્યું હતું કે FTPનો હેતુ નિકાસ પ્રોત્સાહન અને રોજગાર સર્જન હશે. વાણિજ્ય મંત્રાલય હેઠળના ડાયરેક્ટોરેટ જનરલ ઑફ ફોરેન ટ્રેડ (DGFT) આ પોલિસી તૈયાર કરી રહ્યું છે. તેઓ ટૂંક સમયમાં આ યોજના માટે ભંડોળની ફાળવણી માટે નાણાં મંત્રાલયને આ પ્રસ્તાવ મોકલશે.

અધિકારીએ કહ્યું કે, આ યોજના હેઠળ શરૂઆતમાં 50 એવા જિલ્લાઓ પર ધ્યાન કેન્દ્રિત કરવામાં આવશે, જેમના ઉત્પાદનોને આગળ લઈ જઈ શકાય અને જેની નિકાસની વિશાળ સંભાવના છે. ડીજીએફટી સ્પર્ધા દ્વારા આ જિલ્લાઓની પસંદગી કરે છે. અધિકારીએ કહ્યું કે જે રાજ્યો અને જિલ્લાઓ આ યોજના હેઠળ નાણાકીય પ્રોત્સાહન મેળવવા માંગે છે તેઓએ તેના માટે સ્પર્ધા કરવી પડશે. દેશમાં કુલ 750 જિલ્લાઓ છે. અધિકારીએ કહ્યું કે તે રાજ્યો અને જિલ્લાઓ વચ્ચે એક પ્રકારની સ્પર્ધા હશે. તેમણે કહ્યું કે અમે આ માટે વિગતવાર માર્ગદર્શિકા સાથે આવીશું. આ સ્કીમને FTPમાં પણ સામેલ કરવામાં આવશે.

Follow us on

Related Stories

Most Read Stories

Click on your DTH Provider to Add TV9 Gujarati