દેશમાં રેકોર્ડ ઉત્પાદન છતાં કેમ મોંઘી થઈ છે ખાંડ, જાણો ભાવ વધારા પાછળનું સાચું કારણ
સવાલ એ થાય છે કે દેશમાં ખાંડના ભાવ વધવા પાછળનું કારણ શું છે. તો અમે તમને જણાવીએ કે ખાંડની કિંમત પાછળનું કારણ ખાંડનું ઓછું ઉત્પાદન નથી. કારણકે આ સમયગાળા દરમિયાન દેશમાં ખાંડનું વિક્રમી ઉત્પાદન થયું છે.
છેલ્લા કેટલાક સમયથી દેશમાં મોંઘવારી ઝડપથી વધી છે. પેટ્રોલ અને ડીઝલથી લઈને શાકભાજીના ભાવમાં વધારો થયો છે. દેશભરમાં ખાંડ પણ મોંઘી થઈ ગઈ છે. છેલ્લા ત્રણ મહિનામાં ખાંડના ભાવમાં પ્રતિ કિલોએ પાંચ રૂપિયાનો વધારો થયો છે. હવે સવાલ એ થાય છે કે દેશમાં ખાંડના ભાવ વધવા પાછળનું કારણ શું છે. તો અમે તમને જણાવીએ કે ખાંડની કિંમત પાછળનું કારણ ખાંડનું ઓછું ઉત્પાદન નથી. કારણકે આ સમયગાળા દરમિયાન દેશમાં ખાંડનું વિક્રમી ઉત્પાદન થયું છે, તો પછી શું કારણ છે, ચાલો જાણીએ તેના વિશે વિગતવાર.
ખાંડના ભાવમાં કેટલો વધારો થયો?
કન્ઝ્યુમર અફેર્સ વિભાગના ડેટા અનુસાર, દેશમાં 26 ઓક્ટોબર 2021ના રોજ ખાંડની કિંમત 43 રૂપિયા પ્રતિ કિલો છે. અગાઉ 26 જુલાઈ 2021ના રોજ ખાંડની કિંમત 38 રૂપિયા પ્રતિ કિલો હતી. એટલે કે ખાંડના ભાવમાં પ્રતિ કિલોએ પાંચ રૂપિયાનો વધારો થયો છે. દેશમાં ખાંડના રેકોર્ડ ઉત્પાદન છતાં ભાવમાં આ વધારો થયો છે.
તેનું કારણ એ છે કે ખાંડની મિલોએ મોટા પ્રમાણમાં તેની નિકાસ કરી છે. સુગર મિલોએ કુલ 72 લાખ ટન ખાંડ વિદેશમાં મોકલી છે. આ માટે સરકારે કંપનીઓને લગભગ 8,000 કરોડની સબસિડી આપી છે. આ સબસિડી મિલોને વિદેશમાં ખાંડની નિકાસના ખર્ચને પહોંચી વળવા માટે આપવામાં આવી છે. હવે સરકારે તેના ભાવમાં વધારો કર્યો છે.
વૈશ્વિક સ્તરે પણ ખાંડ બજારમાં મુશ્કેલી
તમને જણાવી દઈએ કે વૈશ્વિક સ્તરે પણ ચીનના બજાર પર દબાણ વધી રહ્યું છે. તેમના મતે વૈશ્વિક સ્તરે ઊર્જાની અછતને કારણે ચીનના બજાર પર બોજો પડી રહ્યો છે. તેમના મતે, વિશ્વના ટોચના નિકાસકારો હવે વધુ શેરડીને ઇથેનોલમાં રૂપાંતરિત કરી રહ્યા છે. બ્લૂમબર્ગના રિપોર્ટ અનુસાર, ઓક્ટોબર મહિનામાં વૈશ્વિક બજારમાં ખાંડના ભાવ ચાર વર્ષના રેકોર્ડ ઉચ્ચ સ્તરે પહોંચી ગયા હતા. તેનું કારણ પુરવઠામાં અછત છે. તેના કારણે મેગ્નેશિયમથી લઈને ટમેટાં સુધીના કોમોડિટી માર્કેટમાં સમસ્યા સર્જાઈ છે. તેલના ભાવમાં મોંઘવારીનો સામનો કરી રહેલા બ્રાઝિલ અને ભારત હવે શેરડી માંથી વધારે ઇથેનોલનું ઉત્પાદન કરી રહ્યા છે.
આ પણ વાંચો : Diwali Muhurat Trading 2021: દિવાળીમાં બે દિવસ બંધ રહેશે શેરબજાર પણ આ ખાસ સમયે મળશે કમાણીની તક , જાણો વિગતવાર