Upcoming IPO : આગામી સપ્તાહે 3 કંપનીઓ લાવી રહી છે રોકાણ માટેની તક, જાણો કંપની અને તેની યોજનાઓ વિશે

જો તમે LIC અથવા તેના પછીના ત્રણ IPOમાં નાણાંનું રોકાણ કરવાનું ચૂકી ગયા હોય  તો ચિંતા કરશો નહીં, આવતા અઠવાડિયે વધુ 3 IPO શેરબજારમાં દસ્તક આપવાના છે. મીડિયા રિપોર્ટ  અનુસાર તેમની કુલ કિંમત લગભગ 2387 કરોડ રૂપિયા છે. પારાદીપ ફોસ્ફેટ, ઈથોસ અને ઈમુદ્રા આઈપીઓ આવતા અઠવાડિયે માર્કેટમાં આવવા જઈ રહ્યા છે. BSE વેબસાઈટ પર ઉપલબ્ધ માહિતી મુજબ પારાદીપ ફોસ્ફેટ આઈપીઓનું સબસ્ક્રિપ્શન 17મી મેના રોજ ખુલશે જ્યારે ઈથોસ આઈપીઓ અને ઈમુદ્રા આઈપીઓ 18મી અને 20મી મેના રોજ ખુલશે. અનુક્રમે પારાદીપ ફોસ્ફેટનો IPO 1501 કરોડ રૂપિયા છે અને Ethosનો IPO 472 કરોડ રૂપિયા છે. બીજી તરફ ઇમુદ્રાએ IPO દ્વારા 412 કરોડ એકત્ર કરવાનો લક્ષ્યાંક રાખ્યો છે.

Paradip Phosphate IPO

1501 કરોડ એકત્ર કરવાના લક્ષ્ય સાથે આ IPO ઇશ્યૂ 17 મે 2022ના રોજ ખુલશે અને તમે તેના માટે 19 મે સુધીમાં બિડ કરી શકશો. પારાદીપ ફોસ્ફેટ્સે IPO પ્રાઇસ બેન્ડ રૂ. 39-42 પ્રતિ શેર નક્કી કર્યું છે. એક બિડર IPO માટે મલ્ટીપલ લોટમાં અરજી કરી શકશે અને દરેક લોટમાં કંપનીના 350 શેર હશે. પબ્લિક ઑફર NSE અને BSE બંને પર સૂચિબદ્ધ થવાની દરખાસ્ત છે. પારાદીપ ફોસ્ફેટ્સના શેરની ફાળવણી માટેની  તારીખ 24 મે છે. જ્યારે પારાદીપ ફોસ્ફેટ્સ IPO લિસ્ટિંગ તારીખ 27મી મેના રોજ હોઈ શકે છે. પારાદીપ ફોસ્ફેટ્સ એ નોન-યુરિયા-ખાતર ઉત્પાદક છે. IPO પહેલા કંપનીએ એન્કર રોકાણકારો પાસેથી રૂ. 450 કરોડ એકત્ર કર્યા છે.

Ethos IPO

આ IPO 18મી મે 2022ના રોજ સબસ્ક્રિપ્શન માટે ખુલશે અને 20મી મે સુધી બિડ કરી શકશે. રૂ. 472 કરોડના પબ્લિક ઇશ્યુ માટે પ્રાઇસ બેન્ડ રૂ. 836 થી રૂ. 878 પ્રતિ ઇક્વિટી શેર નક્કી કરવામાં આવી છે. એક બિડર બહુવિધ લોટમાં IPO માટે અરજી કરી શકશે અને Ethos IPO ના એક લોટમાં કંપનીના 17 શેર હશે. પબ્લિક ઑફર NSE અને BSE બંને પર લિસ્ટ થવાની દરખાસ્ત છે. ઇથોસના શેરની ફાળવણી માટેની કામચલાઉ તારીખ 25 મે 2022 છે. આઈપીઓ 30 મેના રોજ માર્કેટમાં લિસ્ટ થઈ શકે છે.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

eMudra IPO

24 મે આ IPO માટે બિડ કરી શકશે જે 20 મેના રોજ સબસ્ક્રિપ્શન માટે ખુલશે. 412 કરોડના પબ્લિક ઈશ્યુ માટે પ્રાઈસ બેન્ડ 243 થી 256 રૂપિયા પ્રતિ શેર નક્કી કરવામાં આવી છે. બિડર આઇપીઓ માટે બહુવિધ લોટમાં અરજી કરી શકશે અને ઇમુદ્રા આઇપીઓના એક લોટમાં કંપનીના 58 શેર હશે. પબ્લિક ઑફર NSE અને BSE બંને પર સૂચિબદ્ધ થવાની દરખાસ્ત છે. ઇમુદ્રાના શેરની ફાળવણી માટેની કામચલાઉ તારીખ 27 મે છે, જ્યારે આ IPO 1 જૂને લિસ્ટ થઈ શકે છે.