TATA GROUP ના આ શેરે રોકાણકારોને કર્યા માલામાલ, 1 વર્ષમાં 81ટકા રિટર્ન આપનાર સ્ટોક છે તમારા પોર્ટફોલિયોમાં ?
છેલ્લા કેટલાક દિવસોમાં ભારતીય સ્ટીલના ભાવમાં નરમાશ જોવા મળી રહી છે. સ્થાનિક HRC કિંમતો 30 નવેમ્બર 2021ના રોજ રૂ. 67,500 પ્રતિ ટનથી ઘટાડીને 9 ડિસેમ્બર, 2021ના રોજ રૂ. 65,500 પ્રતિ ટન કરવામાં આવી છે.
શેરબજારમાં અસ્થિરતા વચ્ચે મેટલ શેરોમાં મજબૂત વલણ છે.ટાટા ગ્રુપનો સ્ટોક(Tata Group stock) ટાટા સ્ટીલ( Tata Steel)ના મેટલ સ્ટોક ટાટા સ્ટીલમાં પણ મજબૂત વલણ જોવા મળ્યું હતું. 14 ડિસેમ્બરે ઇન્ટ્રાડેમાં શેર રૂ. 1,177 સુધી મજબૂત થયો અને રૂ. 1,147ની નીચી સપાટીએ આવ્યો. ટ્રેડિંગના અંતે તે રૂ. 1,165.70 પર બંધ રહ્યો હતો. આજે ૧૫ ડિસેમ્બરે પણ તેજી યથાવત રાખતા સ્ટોક 1,170.05 ઉપર ખુલ્યો છે. ટાટા સ્ટીલની મજબૂત ઉત્પાદન ક્ષમતા અને દેવું ચૂકવવાની યોજનાઓ શેરને સારું મૂલ્યાંકન આપે છે. બ્રોકરેજ ફર્મ ICICI ડાયરેક્ટ રિસર્ચએ ટાટા સ્ટીલના શેર પર ખરીદીની સલાહ આપી છે.
વર્તમાન ભાવથી 20% વળતર અપેક્ષિત સારા બિઝનેસ આઉટલૂકને ધ્યાનમાં રાખીને બ્રોકરેજ ફર્મ ICICI ડાયરેક્ટે ટાટા સ્ટીલના શેર પર 1400 રૂપિયાનો ટાર્ગેટ ભાવ આપ્યો છે. સ્ટોક માટેનો લક્ષ્યાંક સમયગાળો 12 મહિનાનો છે. 14 ડિસેમ્બર 2021 ના રોજ, ટાટા સ્ટીલની કિંમત 1165.70 રૂપિયા પર બંધ થઈ છે. આ રીતે, રોકાણકારો વર્તમાન ભાવથી લગભગ 20 ટકા વળતર મેળવી શકે છે. આ વર્ષે અત્યાર સુધીમાં શેરે લગભગ 81 ટકા વળતર આપ્યું છે.
બ્રોકરેજ ફર્મનું કહેવું છે કે છેલ્લા 12 મહિનામાં રોકાણકારોને ટાટા સ્ટીલ લિમિટેડના શેરમાં લગભગ 84 ટકા વળતર મળ્યું છે. અમે સ્ટોક પર અમારું ‘બાય’ રેટિંગ જાળવી રાખ્યું છે. બ્રોકરેજ ફર્મનું કહેવું છે કે ભારતીય બજારમાં ટાટા સ્ટીલની એકીકૃત ઉત્પાદન ક્ષમતાનો હિસ્સો 2010માં 29 ટકાથી વધીને 2020માં 57 ટકા થઈ ગયો છે. 2030 સુધીમાં તે વધીને 73 ટકા થઈ શકે છે. નાણાકીય વર્ષ 2022 માં, ટાટા સ્ટીલે કુલ દેવું 2 અબજ ડોલર ઘટાડવાનું લક્ષ્ય નક્કી કર્યું છે જેમાં કંપનીનું ધ્યાન વિદેશી દેવું ચૂકવવા પર રહેશે.
મહત્વપૂર્ણ અપડેટ્સ ઉપર એક નજર છેલ્લા કેટલાક દિવસોમાં ભારતીય સ્ટીલના ભાવમાં નરમાશ જોવા મળી રહી છે. સ્થાનિક HRC કિંમતો 30 નવેમ્બર 2021ના રોજ રૂ. 67,500 પ્રતિ ટનથી ઘટાડીને 9 ડિસેમ્બર, 2021ના રોજ રૂ. 65,500 પ્રતિ ટન કરવામાં આવી છે. આ ઉપરાંત કોકિંગ કોલના ભાવમાં નરમાશ આવી છે. તાજેતરમાં ચીને આર્થિક વૃદ્ધિને વેગ આપવા માટે રિઝર્વ રિક્વાયરમેન્ટ રેશિયોમાં 0.50 ટકાનો ઘટાડો કર્યો છે. આ કાપ સામાન્ય રીતે ચાઈનીઝ સ્ટીલની માંગ માટે સારો સંકેત છે. નવેમ્બર 2021માં ચીનની ફિનિશ્ડ સ્ટીલની નિકાસ સતત પાંચમા મહિને ઘટી છે.
Q2 માં 7.5 ગણો નફો સપ્ટેમ્બર ક્વાર્ટરમાં ટાટા સ્ટીલનો નફો લગભગ 7.5 ગણો વધ્યો છે. આ દરમિયાન કંપનીએ રૂ. 12,747.70 કરોડનો નફો કર્યો હતો જ્યારે એક વર્ષ અગાઉના સમાન ક્વાર્ટરમાં કંપનીનો નફો રૂ. 1,665 કરોડ હતો. સપ્ટેમ્બર ક્વાર્ટરમાં કંપનીની આવક વધીને રૂ. 60,554 કરોડની નજીક પહોંચી છે જે એક વર્ષ અગાઉના સમાન ક્વાર્ટરમાં રૂ. 39,158 કરોડની નજીક હતી. જોકે કંપનીનો કુલ ખર્ચ વધીને રૂ. 47,135.28 કરોડ થયો છે.
આ પણ વાંચો : HP Adhesives IPO: આજે ખુલ્યો ઈશ્યુ, રોકાણ પહેલા જાણો કંપની અને તેની યોજનાઓ વિશે વિગતવાર
આ પણ વાંચો : IPO Update : Data Patterns IPO પ્રથમ દિવસે ભરાયો, જાણો શું છે Metro Brands અને Medplus IPO ની સ્થિતિ