Share Market : સેન્સેક્સની Top-10 પૈકી 7 કંપનીઓની માર્કેટ કેપમાં 1 લાખ કરોડનો વધારો, ગત સપ્તાહે Sensex 360 અંક ઉછળ્યો
છેલ્લા સપ્તાહમાં BSEના 30 શેરોવાળા સેન્સેક્સમાં 360.81 પોઈન્ટ અથવા 0.60 ટકાનો વધારો થયો છે અને તેની અસર સેન્સેક્સની ટોચની 10 કંપનીઓના માર્કેટ કેપિટલાઇઝેશનમાં જોવા મળી રહી છે. રિલાયન્સ ઈન્ડસ્ટ્રીઝ, સ્ટેટ બેંક ઓફ ઈન્ડિયા (SBI) અને ભારતી એરટેલના વેલ્યુએશનમાં ઘટાડો થયો છે.
ભારતીય શેરબજારમાં સેન્સેક્સની Top 10 કંપનીઓમાંથી સાતની માર્કેટ મૂડી ગયા સપ્તાહે સામૂહિક રીતે રૂ. 1,07,224.82 કરોડ વધી છે. ટાટા કન્સલ્ટન્સી સર્વિસિસ (TCS) અને ઈન્ફોસિસ ઈન્ફોર્મેશન ટેક્નોલોજી સેક્ટરમાં સૌથી વધુ નફો કરતી કંપની રહી છે. છેલ્લા સપ્તાહમાં BSEના 30 શેરોવાળા સેન્સેક્સમાં 360.81 પોઈન્ટ અથવા 0.60 ટકાનો વધારો થયો છે અને તેની અસર સેન્સેક્સની ટોચની 10 કંપનીઓના માર્કેટ કેપિટલાઇઝેશનમાં જોવા મળી રહી છે. રિલાયન્સ ઈન્ડસ્ટ્રીઝ, સ્ટેટ બેંક ઓફ ઈન્ડિયા (SBI) અને ભારતી એરટેલના વેલ્યુએશનમાં ઘટાડો થયો છે. તેજીના વલણથી વિપરીત રિલાયન્સ ઇન્ડસ્ટ્રીઝનું માર્કેટ કેપિટલાઇઝેશન રૂ. 47,290.7 કરોડ ઘટીને રૂ. 16,69,280.55 કરોડ થયું હતું.
Sensex Top -10 Companies
Company | Last Closing | Market Capitalization ( Cr.) |
RELIANCE INDUSTRIES LTD. | 2467.35 | 1669280.55 |
TATA CONSULTANCY SERVICES LTD. | 3374.2 | 1234637.11 |
HDFC Bank Ltd | 1600.85 | 892754.89 |
INFOSYS LTD. | 1503.5 | 632684.95 |
HINDUSTAN UNILEVER LTD. | 2621.75 | 616004.09 |
ICICI BANK LTD. | 873.25 | 609305.82 |
STATE BANK OF INDIA | 600.05 | 535521.33 |
HOUSING DEVELOPMENT FINANCE CORP.LTD. | 2621.7 | 478922.89 |
Life Insurance Corporation of India | 712.7 | 450782.59 |
BHARTI AIRTEL LTD. | 764.4 | 425982.59 |
આ કંપનીઓએ મજબૂત નફો કર્યો
છેલ્લા સપ્તાહમાં TCS, HDFC બેન્ક, ઇન્ફોસિસ, હિન્દુસ્તાન યુનિલિવર, ICICI બેન્ક, HDFC અને જીવન વીમા નિગમ (LIC)ની માર્કેટ મૂડીમાં વધારો નોંધાયો છે. TCSનું માર્કેટ કેપિટલાઇઝેશન રૂ. 59,349.81 કરોડ વધીને રૂ. 12,34,637.11 કરોડ થયું હતું. ઇન્ફોસિસનું માર્કેટ વેલ્યુએશન રૂ. 22,997.16 કરોડ વધીને રૂ. 6,32,684.95 કરોડ થયું હતું. ઇન્ફોસિસનો ડિસેમ્બર ક્વાર્ટરનો નફો અપેક્ષા કરતાં સારો રહ્યો છે. ક્વાર્ટર દરમિયાન કંપનીના નફામાં 13.4 ટકાનો વધારો થયો છે.
HUL, HDFC અને LIC ના માર્કેટકેપમાં વધારો
હિન્દુસ્તાન યુનિલિવરનું માર્કેટ કેપ રૂ. 10,514.42 કરોડ વધીને રૂ. 6,16,004.09 કરોડ થયું હતું. HDFCનું મૂલ્યાંકન રૂ. 4,904.87 કરોડ વધીને રૂ. 4,78,922.89 કરોડ થયું છે. LICની માર્કેટ મૂડી રૂ. 3,668.5 કરોડ વધીને રૂ. 4,50,782.59 કરોડે પહોંચી છે. HDFC બેન્કનું માર્કેટ કેપ રૂ. 3,624.89 કરોડ વધીને રૂ. 8,92,754.89 કરોડ થયું હતું જ્યારે ICICI બેન્કનું માર્કેટકેપ રૂ. 2,165.17 કરોડ વધીને રૂ. 6,09,305.82 કરોડ થયું હતું.
આ ત્રણ કંપનીઓને સૌથી વધુ નુકસાન થયું
રિલાયન્સ ઈન્ડસ્ટ્રીઝ, સ્ટેટ બેંક ઓફ ઈન્ડિયા (SBI) અને ભારતી એરટેલના વેલ્યુએશનમાં ઘટાડો થયો છે. તેજીની કંપનીઓના વલણથી વિપરીત, રિલાયન્સ ઇન્ડસ્ટ્રીઝનું માર્કેટ કેપિટલાઇઝેશન રૂ. 47,290.7 કરોડ ઘટીને રૂ. 16,69,280.55 કરોડ થયું હતું. ભારતી એરટેલનું માર્કેટ કેપ રૂ. 17,373.86 કરોડ ઘટીને રૂ. 4,25,982.59 કરોડ થયું હતું. SBIનું મૂલ્યાંકન રૂ. 490.85 કરોડ ઘટીને રૂ. 5,35,521.33 કરોડ થયું હતું.