Info Edge ઝોમાટોના IPOમાં 750 કરોડનો હિસ્સો વેચશે, જાણો વિગતવાર

ઇન્ફો એજ ઇન્ડિયા લિમિટેડએ મંગળવારે જણાવ્યું હતું કે તે Zomatoની આગામી પબ્લિક ઓફરિંગમાં 750 કરોડનો હિસ્સો વેચશે.

  • Ankit Modi
  • Published On - 9:13 AM, 28 Apr 2021
Info Edge  ઝોમાટોના IPOમાં 750 કરોડનો હિસ્સો વેચશે, જાણો વિગતવાર
ફુડટેક પ્લેટફોર્મને પ્રારંભિક ટેકો આપનાર ઇન્ફો એજ કંપનીમાં લગભગ 18.4% હિસ્સો ધરાવે છે.

બોમ્બે સ્ટોક એક્સચેંજ (BSE) માં સત્તાવાર રજૂઆતમાં ઇન્ફો એજ ઇન્ડિયા લિમિટેડએ મંગળવારે જણાવ્યું હતું કે તે Zomatoની આગામી પબ્લિક ઓફરિંગમાં 750 કરોડનો હિસ્સો વેચશે. ફૂડટેક પ્લેટફોર્મ આજકાલમાં તેનો ડ્રાફ્ટ રેડ હેરિંગ પ્રોસ્પેક્ટસ ફાઇલ કરે તેવી અપેક્ષા છે.

“કંપનીના નિયામક મંડળ(Board of Directors )એ ​​કંપનીને ઝોમાટો લિમિટેડના 7500 મિલિયન રૂપિયાના શેરની વેચાણની ઓફરમાં ભાગ લેવા માટે મંજૂરી આપી છે. ડ્રાફ્ટ રેડ હેરિંગ પ્રોસ્પેક્ટસ(Draft Red Herring Prospectus) અને અન્ય કેટલાક ઓફર દસ્તાવેજો અને કરારોમાં ઉલ્લેખિત કરવામાં આવશે, “ઇન્ફો એજએ તેની સત્તાવાર ફાઇલિંગમાં જણાવ્યું હતું.

ફુડટેક પ્લેટફોર્મનો પ્રારંભિક ટેકો આપનાર ઇન્ફો એજ કંપનીમાં લગભગ 18.4% હિસ્સો ધરાવે છે.કંપની હવે તેની જાહેર ઓફરના ભાગ રૂપે 1 અબજ ડોલરની યાદીમાં સ્થાન મેળવવા પ્રયાસ કરી રહી છે.ફૂડટેક યુનિકોર્ન ઝોમાટો પાછલા વર્ષથી તેની પ્રારંભિક જાહેર ઓફર (IPO) માટે તૈયારી કરી રહ્યો છે, અને તેણે કોટક મહિન્દ્રા બેંકને તેના મુખ્ય મર્ચન્ટ બેંકર તરીકે નિયુક્ત કરી હતી. ગયા વર્ષે નવેમ્બરમાં IPOમાં મદદ કરવા કાયદાકીય સલાહકારો તરીકે Cyril Amarchand Mangaldas and Indus Law ની નિમણૂક પણ કરી હતી.

કંપનીએ અક્ષત ગોયલને તેના નવા મુખ્ય નાણાકીય અધિકારી તરીકે નિમણૂક કરતાં તેના નેતૃત્વમાં ફેરફાર પણકર્યા હતા, જે અગાઉ કોટક મહિન્દ્રા બેંકમાં પણ ઇન્વેસ્ટમેન્ટ બેન્કર રહી ચૂક્યા છે.IPO સુધીના હિસ્સામાં કંપનીએ 910 મિલિયન ડોલર આસપાસ નાના એકત્રિત કર્યા છે .

તાજેતરમાં ઉભા કરાયેલા ભંડોળ મુજબ ઝોમાટોનું મૂલ્ય 5.4 અબજ ડોલરની નજીક રાખવામાં આવ્યું છે અને મીડિયા અહેવાલો અનુસાર તેની 8 બિલિયન સુધીના મૂલ્યાંકન તરફ નજર છે.