STOCK MARKET : બજારમાં ઐતિહાસિક ઉછાળો દેખાયો, SENSEX 834 અંક અને NIFTY 1.68% ની વૃદ્ધિ
આજે શેરબજાર(STOCK MARKET)એ ઐતિહાસિક તેજી દર્જ કરાવી છે. ચારેતરફ તેજીના માહોલના પગલે SENSEX અને NIFTY એ છેલ્લા બે ટ્રેડિંગ દિવસના નુક્શાનની રિકવર પ્રાપ્ત કરી લીધી છે.
આજે શેરબજાર(STOCK MARKET)એ ઐતિહાસિક તેજી દર્જ કરાવી છે. ચારેતરફ તેજીના માહોલના પગલે SENSEX અને NIFTY એ છેલ્લા બે ટ્રેડિંગ દિવસના નુક્શાનની રિકવર પ્રાપ્ત કરી લીધી છે. રિયલ્ટી અને નાણાકીય શેરોમાં વૃદ્ધિને કારણે સેન્સેક્સ 49,499 અને નિફ્ટી 14,546.05 ના ઉપલા સ્તરે ટ્રેડ કરતા નજરે પડ્યા હતા. આ અગાઉ બજાર સતત બે ટ્રેડિંગ દિવસ નુકશાન સાથે બંધ રહ્યું હતું. આજના કારોબારના અંતે સેન્સેક્સમાં 834 અને નિફટીમાં 239 અંકની વૃદ્ધિ દર્જ થઇ છે.
ભારતીય શેરબજારની છેલ્લી સ્થિતિ
બજાર સૂચકઆંક વૃદ્ધિ
સેન્સેક્સ 49,398.29 +834.02
નિફટી 14,521.15 +239.85
BSE માં રિયલ્ટી અને નાણાકીય શેરોમાં મજબૂત તેજી દેખાઈ છે. બજાજ ફિન્સર્વના શેરમાં 6.7% નો વધારો નોંધાયો છે.આજે ૬૭ ટકા કંપનીઓના શેરમાં વૃદ્ધિ દર્જ થઇ છે. નિફટીમાં પણ બજાજ ફિન્ઝર્વેના શેર ટોપ ગેઈનર રહ્યો છે. ટાટા મોટર્સ અને બજાજ ફાઇનાન્સમાં પણ 5% નો વધારો દેખાયો છે. આ સિવાય એચડીએફસી અને ગ્રાસીમના શેરમાં પણ સારો ફાયદો જોવા મળ્યો છે. બેન્કિંગ, ઓટો અને મેટલ સૂચકાંકો એનએસઈમાં 2% સુધી વધ્યા છે. નિફ્ટી રિયલ્ટી ઈન્ડેક્સ 3.79% સુધી વધ્યો છે.
બજારમાં તેજીના પરિબળો આ રહ્યા હતા એશિયન બજારમાં નોંધનીય ઉછાળો આવ્યો છે.
યુરોપિયન બજારો વૃદ્ધિ સાથે ખુલ્યા હતા જેમાં માં બ્રિટન, ફ્રાન્સ અને જર્મનીના શેરબજારોનો સમાવેશ થાય છે.
ડિસેમ્બર ક્વાર્ટર અપેક્ષા કરતા વધુ સારા પરિણામ લાવી રહ્યું છે.
ડોલર સામે રૂપિયો મજબૂત થઈ રહ્યો છે.
બજારમાં ભારે વિદેશી રોકાણ ચાલુ છે. સોમવારે FIIએ 7,847.77 કરોડ રૂપિયાના શેર ખરીદ્યા હતા.
વર્ષ ૨૦૨૧ ના પહેલા મહિનામાં 18 જાન્યુઆરી સુધી FIIનું કુલ રોકાણ 17,437 કરોડ રૂપિયા હતું.
બજારના મોટા શેરોમાં સારી વૃદ્ધિ છે જેમાં રિલાયન્સ, ટીસીએસ, ઈન્ફોસીસ સહિત કોટક બેંકના શેર શામેલ છે.
ભારતીય શેરબજારમાં આજના ઉતાર -ચઢાવ આ મુજબ રહ્યા હતા
SENSEX
Open 48,900.31 High 49,499.86 Low 48,805.54 Closing 49,398.29
NIFTY
Open 14,371.65 High 14,546.05 Low 14,350.85 Closing 14,521.15
Latest News Updates
