Share Market Updates: સેન્સેક્સ 388 પોઈન્ટના ઘટાડા સાથે 58576 પર બંધ, બજારમાં સતત બીજા દિવસે ઘટાડો

આજે સેન્સેક્સના ટોપ-30માં 9 શેરો ઉછાળા સાથે બંધ થયા હતા અને 21 શેર ઘટ્યા હતા. આજના ઘટાડા બાદ BSE લિસ્ટેડ કંપનીઓનું માર્કેટ કેપ ઘટીને. 271.99 લાખ કરોડ રૂપિયા થયું છે.

શેરબજારમાં પ્રારંભિક કારોબારમાં ઘટાડો નોંધાયો

TV9 Gujarati | Edited By: Nidhi Bhatt | Updated on: Apr 12, 2022 | 4:45 PM

શેરબજારમાં આજે સતત બીજા દિવસે ઘટાડો (Share Market Updates) જોવા મળ્યો હતો. સેન્સેક્સ 388 પોઈન્ટ ઘટીને 58576ના સ્તરે અને નિફ્ટી 145 પોઈન્ટના ઘટાડા સાથે 17530ના સ્તરે બંધ થયા છે. આજે મિડકેપ અને સ્મોલકેપ ઈન્ડેક્સમાં ભારે વેચવાલી જોવા મળી હતી. આ સિવાય મેટલ, આઈટી, મીડિયા અને રિયલ્ટી શેરોમાં જોરદાર ઘટાડો જોવા મળ્યો હતો. આજે સેન્સેક્સના ટોપ-30માં 9 શેરો ઉછાળા સાથે બંધ થયા હતા અને 21 શેર ઘટ્યા હતા. એક્સિસ બેન્ક, કોટક મહિન્દ્રા બેન્ક અને પાવરગ્રીડ ટોપ ગેઇનર હતા. ટાટા સ્ટીલ, ટેક મહિન્દ્રા, વિપ્રો, ભારતી એરટેલમાં સૌથી વધુ ઘટાડો નોંધાયો હતો. આજના ઘટાડા બાદ BSE લિસ્ટેડ કંપનીઓનું માર્કેટ કેપ ઘટીને રૂ. 271.99 લાખ કરોડ થયું છે.

અમેરિકામાં મોંઘવારીના આંકડા સામે આવી રહ્યા છે. મોંઘવારી સતત વધી રહી છે. આ શક્યતાઓ વચ્ચે બજાર પર દબાણ જોવા મળી રહ્યું છે. બજારના આ ઘટાડા અંગે LKP સિક્યોરિટીઝના ટેકનિકલ એનાલિસ્ટ રૂપક ડેએ જણાવ્યું હતું કે નિફ્ટીએ 17600ના મજબૂત સપોર્ટને તોડ્યો છે. હવે બજારનો નવો સપોર્ટ 17400 ના સ્તર પર છે. જિયોજીત ફાઇનાન્શિયલ સર્વિસિસના રિસર્ચ હેડ વિનોદ નાયરે જણાવ્યું હતું કે મોંઘવારીનો આંકડો સતત વધી રહ્યો છે. યુએસ ફેડરલ રિઝર્વ મોંઘવારીને અંકુશમાં લેવા માટે વ્યાજ દરમાં વધારો કરી શકે છે. ભારતમાં પણ મોંઘવારીમાં તેજી આવી શકે છે. આ તમામ પરિબળોની અસર બજાર પર દેખાઈ રહી છે.

અદાણી ગ્રીનમાં લગભગ 5 ટકાનો ઉછાળો જોવા મળ્યો હતો

અદાણી ગ્રીનના શેરમાં આજે 4.77 ટકાનો ઉછાળો નોંધાયો હતો. હવે તે ભારતની 10મી સૌથી મોટી કંપની બની ગઈ છે. અદાણી ગ્રીનનો શેર રૂ.2792 પર બંધ રહ્યો હતો. આજે ટ્રેડિંગ દરમિયાન તેમાં 10 ટકા સુધીનો વધારો નોંધાયો હતો.