Reliance Capital Auction : રિલાયન્સ કેપિટલની હરાજી પ્રક્રિયામાં નવો વળાંક આવ્યો, NCLTએ કંપની સામે આ પડકાર ઉભો કર્યો

દેવામાં ડૂબેલા અનિલ અંબાણીની કંપની રિલાયન્સ કેપિટલના વેચાણને લઈને નવો વળાંક આવ્યો છે. નેશનલ કંપની લો ટ્રિબ્યુનલ -NCLTના નિર્ણયે કંપનીની ધિરાણકર્તા સમિતિની મુશ્કેલીઓમાં વધારો કર્યો છે. કંપની હવે NCLTના આ નિર્ણયને સુપ્રીમ કોર્ટમાં પડકારવાની યોજના બનાવી રહી છે. હકીકતમાં, રિલાયન્સ કેપિટલની કમિટી ઓફ ક્રેડિટર્સ કંપની માટે નવેસરથી બિડ કરવાની યોજના બનાવી રહી હતી. જોકે, નેશનલ કંપની લો ટ્રિબ્યુનલે 2 ફેબ્રુઆરીએ કમિટીના આ પ્રસ્તાવને ફગાવી દીધો છે. NCLTએ નવી બિડિંગ હાથ ધરવાને નાદારી અને નાદારી સંહિતાના નિયમોનું ઉલ્લંઘન ગણાવ્યું છે.

કઈ કંપનીએ સૌથી વધુ બોલી લગાવી?

ટોરેન્ટ ઇન્વેસ્ટમેન્ટ્સે રિલાયન્સ કેપિટલને ખરીદવા માટે સૌથી વધુ બોલી લગાવી હતી. ટોરેન્ટે રૂ. 8,640 કરોડની બિડ કરી હતી, જ્યારે બિડિંગ પૂર્ણ થયા બાદ હિન્દુજા ગ્રૂપે રૂ. 9,000 કરોડની બિડ સબમિટ કરી હતી. આવી સ્થિતિમાં, જ્યારે રિલાયન્સ કેપિટલ બીજી બિડ માટે જવાનું નક્કી કર્યું  ત્યારે ટોરેન્ટ ઇન્વેસ્ટમેન્ટે NCLTનો સંપર્ક કર્યો છે.

ત્રિમાસિક પરિણામોમાં અનિલ અંબાણીની આ કંપનીને પણ મોટું નુકસાન

રિલાયન્સ ગ્રુપના વડા અનિલ અંબાણીની મુસીબતો હજુ પણ યથાવત છે. હવે રિલાયન્સ પાવરના ડિસેમ્બર ક્વાર્ટરના પરિણામોએ પણ આંચકો આપ્યો છે. ડિસેમ્બર 2022ના ક્વાર્ટરમાં રિલાયન્સ પાવરની ચોખ્ખી ખોટ વધીને રૂ. 291.54 કરોડ થઈ હતી. એક વર્ષ અગાઉના સમાન ગાળામાં કંપનીની ચોખ્ખી ખોટ રૂ. 97.22 કરોડ હતી.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ખર્ચ અને આવક ઉપર નજર કરીએ તો ડિસેમ્બર ક્વાર્ટરમાં કંપનીનો કુલ ખર્ચ વધીને રૂ. 2,126.33 કરોડ થયો છે જે અગાઉના વર્ષના સમાન ગાળામાં રૂ. 1,900.05 કરોડ હતો. તેની કુલ આવક રૂ. 1,936.29 કરોડ હતી જે એક વર્ષ અગાઉના ક્વાર્ટરમાં રૂ. 1,858.93 કરોડ હતી. કંપનીએ ક્વાર્ટર દરમિયાન રૂ. 178 કરોડનું દેવું ચૂકવ્યું હતું અને તેનો ડેટ-ઇક્વિટી રેશિયો 2.03:1 છે.

અનિલ અંબાણીની આ કંપનીનું હેડક્વાર્ટર વેચવામાં આવશે

અનિલ અંબાણીની દેવામાં ડૂબેલી રિલાયન્સ કોમ્યુનિકેશન્સ તેનું નવી મુંબઈ સ્થિત હેડક્વાર્ટર વેચવાની તૈયારી કરી રહી છે. ધિરાણકર્તાઓ મુખ્ય મથક વેચવા માટે મુકેશ અંબાણીની રિલાયન્સ ઇન્ડસ્ટ્રીઝ સહિત ટોચના ભારતીય કોર્પોરેટ અને રિયલ એસ્ટેટ ડેવલપર્સનો સંપર્ક કરવાની યોજના બનાવી રહ્યા છે. એક મીડિયા રિપોર્ટમાં આ જાણકારી આપવામાં આવી છે. રિપોર્ટમાં સૂત્રોને ટાંકીને કહેવામાં આવ્યું છે કે ધિરાણકર્તાને નવી મુંબઈમાં 56 હેક્ટરની મિલકત વેચીને 8,000 કરોડ રૂપિયા મળવાની અપેક્ષા છે.