RailTel IPO: આવી રહી છે વધુ એક સરકારી કંપનીમાં રોકાણની તક, જાણો વિગતો

RailTel IPO: આવી રહી છે વધુ એક સરકારી કંપનીમાં રોકાણની તક,  જાણો વિગતો

પબ્લિક સેક્ટરની રેલટેલ કોર્પોરેશન ઓફ ઇન્ડિયા લિ. (RailTel Corporation of India Ltd) નો IPO 16 ફેબ્રુઆરી 2021 ના ​ રોજ ​સબ્સ્ક્રિપ્શન માટે ખુલશે. રેલ્ટેલ એ રેલવે(Railway ) મંત્રાલય હેઠળનું PSU છે

Ankit Modi

| Edited By: Pinak Shukla

Feb 12, 2021 | 7:44 AM

પબ્લિક સેક્ટરની રેલટેલ કોર્પોરેશન ઓફ ઇન્ડિયા લિ. (RailTel Corporation of India Ltd) નો IPO 16 ફેબ્રુઆરી 2021 ના ​ રોજ ​સબ્સ્ક્રિપ્શન માટે ખુલશે. રેલ્ટેલ એ રેલવે(Railway ) મંત્રાલય હેઠળનું PSU છે જે ભારતીય રેલ્વે નેટવર્ક પર ફાસ્ટ અને ફ્રી વાઇફાઇ (Wifi) પ્રદાન કરે છે. આ IPO 16 ફેબ્રુઆરીએ ખુલશે અને તેમાં 18 ફેબ્રુઆરી સુધી રોકાણ કરી શકાશે. કંપનીએ આ માટે શેર દીઠ ભાવ 93-94 રૂપિયા નક્કી કર્યા છે. આ IPO દ્વારા સરકારનું રૂ 820 કરોડ એકત્ર કરવાનું લક્ષ્ય છે.

RailTel ની રચના વર્ષ 2000 માં થઈ હતી રેલટેલની રચના વર્ષ 2000 માં થઈ હતી. તેને ટ્રેન નિયંત્રણ, સંચાલન અને સલામતી માટે અપનાવવામાં આવતી ટેલિકમ્યુનિકેશંસ સિસ્ટમનો આધુનિકીકરણ કરવાનું કામ સોંપવામાં આવ્યું હતું. આ સાથે, વધારાની આવક મેળવવા માટે દેશવ્યાપી બ્રોડબેન્ડ અને મલ્ટિમીડિયા નેટવર્ક બનાવવાનું કામ પણ આપવામાં આવ્યું હતું. કંપનીને રેલ્વે ટ્રેક સાથે ઓપ્ટિકલ ફાઈબર નાખવાનું કામ પણ સોંપાયું હતું.

RailTel IPOની હાઇલાઇટ્સ >> કંપનીએ રેલટેલ કોર્પોરેશન ઓફ ઇન્ડિયા લિમિટેડના કર્મચારીઓ માટે 5 લાખ ઇક્વિટી શેર આરક્ષિત કર્યા છે. >> આ ઇસ્યુ ફક્ત ASBA દ્વારા લાગુ કરી શકાય છે. >> આ આઈપીઓની પ્રાઇસ બેન્ડ શેર દીઠ 93-94 રૂપિયા નક્કી કરવામાં આવી છે. >> આઈપીઓ ઓફરની લોટ સાઇઝ 155 ઇક્વિટી શેર છે. >> ઓછામાં ઓછું રૂ 14,570 નું રોકાણ કરવું પડશે. >> તમે વધુમાં વધુ 13 લોટ સાઇઝ માટે બોલી લગાવી શકો છો.

વર્ષ ૨૦૨૧ ના પ્રારંભથી IPO ની ભરમાર ભારતીય રેલ્વે ફાઇનાન્સ કોર્પોરેશન (IRFC), ઇન્ડિગો પેઇન્ટ્સ, હોમ ફર્સ્ટ ફાઇનાન્સ કંપની, સ્ટોવ ક્રાફ્ટ અને બ્રુકફિલ્ડ ઈન્ડિયા રીઅલ એસ્ટેટ ટ્રસ્ટ પછી આ રેલટેલ આ વર્ષનો અત્યાર સુધીનો સાતમો IPO છે. ન્યુરેકા લિમિટેડ(Nureca Ltd) નો આઈપીઓ 15 ફેબ્રુઆરી, 2021 ના ​​રોજ ખુલશે, જે છઠ્ઠો ઇસ્યુ છે.

Follow us on

Related Stories

Most Read Stories

Click on your DTH Provider to Add TV9 Gujarati