Petrol-Diesel Price Today : પેટ્રોલ અને ડીઝલના વધતા ભાવોથી આજે રાહત, જાણો આજની તમારા શહેરની કિંમત
સતત વધી રહેલા પેટ્રોલ-ડીઝલ(Petrol-Diesel Price Today )ની વચ્ચે આમ આદમીને આજે થોડી રાહત મળી છે. સરકારી તેલ કંપનીઓએ આજે પેટ્રોલ અને ડીઝલની કિંમતમાં કોઈ વધારો કર્યો નથી.
સતત વધી રહેલા પેટ્રોલ-ડીઝલ(Petrol-Diesel Price Today )ની વચ્ચે આમ આદમીને આજે થોડી રાહત મળી છે. સરકારી તેલ કંપનીઓએ આજે પેટ્રોલ અને ડીઝલની કિંમતમાં કોઈ વધારો કર્યો નથી. ગઈકાલે આંતરરાષ્ટ્રીય બજારમાં ક્રૂડ તેલના ભાવમાં થોડી રાહત મળી છે જેના કારણે આજે બળતણના દરોમાં વધારો થયો નથી. છેલ્લા બે મહિનાથી સતત વધારા પછી હવે પેટ્રોલ અને ડીઝલની કિંમતો રેકોર્ડ સપાટી પર છે. આ સિવાય દેશના અનેક શહેરોમાં પેટ્રોલના ભાવ 105 રૂપિયાને પાર કરી ગયા છે.
આજે પેટ્રોલિયમ મંત્રાલની અગત્યની બેઠક મળશે સતત વધી રહેલા તેલના ભાવને લઇને સંસદની સ્થાયી સમિતિની આજે એક મહત્વપૂર્ણ બેઠક યોજાનાર છે. પેટ્રોલિયમ અને કુદરતી ગેસ બાબતોની સ્થાયી સમિતિ દ્વારા આ બેઠક મળશે. સમિતિએ પેટ્રોલિયમ મંત્રાલય અને IOC, BPCL અને HPCLના અધિકારીઓને બોલાવ્યા છે. બેઠકમાં વર્તમાન ભાવો અને માર્કેટિંગના મુદ્દા પર માહિતી માંગવામાં આવશે. પ્રાકૃતિક ગેસના વર્તમાન ભાવો-માર્કેટિંગ મુદ્દે પણ માહિતી લેવામાં આવશે. આ સાથે ગેઇલના અધિકારીઓને પણ બેઠકમાં બોલાવાયા છે.
26 દિવસમાં Petrol 6.34 અને Diesel ૬.63 રૂપિયા મોંઘુ થઈ ગયું છે ઘણા રાજ્યોમાં વિધાનસભાની ચૂંટણીની પ્રક્રિયાને લીધે માર્ચ અને એપ્રિલમાં પેટ્રોલના ભાવમાં કોઈ વધારો કરવામાં આવ્યો ન હતો. આ સમય દરમિયાન ક્રૂડ તેલ મોંઘું થવા છતાં પણ પેટ્રોલ અને ડીઝલની કિંમતમાં કોઈ વધારો થયો નથી. પરંતુ 4 મેથી તેના ભાવમાં ઘણો વધારો થયો છે. 26 દિવસમાં પેટ્રોલ 6.34 રૂપિયા પ્રતિ લિટર મોંઘુ થઈ ગયું છે જયારે ડીઝલમાં ૬.૬૩ રૂપિયાનો ભાવ વધારો ઝીકવામાં આવ્યો છે.
જાણો મહાનગરોમાં પેટ્રોલ ડીઝલ પ્રતિ લીટર કઈ કિંમતે વેચાઈ રહ્યું છે
City | Petrol | Diesel |
Delhi | 96.66 | 87.41 |
Kolkata | 96.58 | 90.21 |
Mumbai | 102.82 | 94.84 |
Chennai | 97.51 | 92.04 |
Ganganagar | 107.75 | 100.47 |
Ahmedabad | 93.58 | 94.12 |
Rajkot | 93.96 | 93.91 |
Surat | 93.58 | 94.14 |
Vadodara | 93.67 | 94.2 |
(સોર્સ : ગુડ રિટર્ન્સ) |