Petrol Diesel Price Today : વૈશ્વિક દેશોના વિરોધ છતાં ભારતના આ મજબૂત પગલાએ મોંઘા ક્રૂડની સમસ્યા દૂર કરી, જાણો વિગતવાર

આજે પણ પેટ્રોલ-ડીઝલના ભાવ(Petrol-Diesel Price Today)માં કોઈ ફેરફાર થયો નથી. આંતરરાષ્ટ્રીય બજારમાં ક્રૂડ ઓઇલની કિંમતો(Crude oil price) વધી રહી છેતો સાથે તે 123 ડોલરના સ્તરે પહોંચી ગયું છે. આમ છતાં આપણા દેશમાં પેટ્રોલ અને ડીઝલના ભાવમાં કોઈ ફેરફાર થઈ રહ્યો નથી. આ માટે રશિયાનો મોટો ફાળો છે. રશિયા વિશ્વને 30% ડિસ્કાઉન્ટ પર તેનું તેલ વેચી રહ્યું છે. ભારત તેનો ફાયદો ઉઠાવી રહ્યું છે અને રશિયા પાસેથી મોટા પાયે આયાત કરવામાં આવી રહી છે. પરિણામે રશિયા ભારત માટે બીજો સૌથી મોટો સપ્લાયર બની ગયો છે. તેણે સાઉદી અરેબિયાને પાછળ છોડી દીધું છે. આ મામલે ઈરાક પહેલા નંબર પર છે.

રાજધાની દિલ્હીમાં આજે પેટ્રોલની કિંમત 96.72 રૂપિયા અને ડીઝલની કિંમત 89.62 રૂપિયા પ્રતિ લીટર છે. તો મુંબઈમાં પેટ્રોલ 111.35 રૂપિયા અને ડીઝલ 97.28 રૂપિયા પ્રતિ લીટરના ભાવે વેચાઈ રહ્યું છે. દેશના 4 મહાનગરોમાં પેટ્રોલ અને ડીઝલના વર્તમાન ભાવોની સરખામણી કરીએ તો મુંબઈમાં તેલના ભાવ સૌથી વધુ છે અને દિલ્હીમાં પેટ્રોલ અને ડીઝલના ભાવ સૌથી ઓછા છે.

ભારતે મે મહિનામાં રશિયા પાસેથી 16 ટકા તેલ આયાત કર્યું હતું

ઇન્ડસ્ટ્રી ડેટા દર્શાવે છે કે દેશની રિફાઇનિંગ કંપનીઓએ યુક્રેન યુદ્ધ પછી મોટા ડિસ્કાઉન્ટ પર ઉપલબ્ધ રશિયન ક્રૂડ ઓઇલ ખરીદવાનું શરૂ કર્યું છે. ભારતીય રિફાઇનિંગ કંપનીઓએ મે મહિનામાં લગભગ 25 મિલિયન બેરલ રશિયન ક્રૂડ ખરીદ્યું હતું. તે ભારતની કુલ ક્રૂડ ઓઈલની આયાતમાં 16 ટકા હિસ્સો ધરાવે છે. એપ્રિલમાં પ્રથમ વખત ભારતના સમુદ્ર દ્વારા કુલ ક્રૂડ ઓઇલની આયાતમાં રશિયાનો હિસ્સો 5 ટકા સુધી પહોંચ્યો હતો. ડેટા અનુસાર ગયા વર્ષના પ્રથમ ત્રિમાસિક ગાળામાં એટલે કે 2021 અને 2022માં તે એક ટકાથી પણ ઓછો હતો. ભારત વિશ્વનો ત્રીજો સૌથી મોટો ક્રૂડ ઓઈલ આયાતકાર અને ઉપભોક્તા દેશ છે.

Web Stories View more

મુકેશ અંબાણી રિલાયન્સ ગુપ સાથે ક્યારે જોડાયા?

30 લાખની હોમ લોન પર કેટલી EMI ચૂકવવી પડશે, જાણી લો ગણિત

વિરાટ કે રોહિત નહીં, આ છે કથાકાર જયા કિશોરીનો ફેવરિટ ક્રિકેટર

ઉનાળાની ગરમીમાં ટ્રીપ પ્લાન કરતાં પહેલા જાણી લો 7 ટિપ્સ, નહીં તો વધશે મુશ્કેલી

ઉનાળામાં ઘરમાં AC, પંખા અને કુલરનો ઉપયોગ કરવામાં આવે તો વીજળીનું બિલ કેટલું આવશે?

આ સરળ રીતે ઘરના કૂંડામાં જ ઉગાડો લીલા-પીળા લીંબુ, જાણો ટિપ્સ

ભારત ઈરાક પાસેથી સૌથી વધુ તેલ ખરીદે છે

મે મહિનામાં ઇરાક ભારતનું ટોચનું સપ્લાયર રહ્યું હતું અને સાઉદી અરેબિયા હવે ત્રીજા નંબરનું સૌથી મોટું સપ્લાયર છે. વૈશ્વિક ઉર્જાના ભાવ વધી રહ્યા છે તેવા સમયે ભારતે રશિયા પાસેથી ક્રૂડ ઓઈલની આયાત વધારવા માટે મુક્તિનો લાભ લીધો છે. ભારત તેની જરૂરિયાતના 85 ટકા તેલની આયાત કરે છે. ભારત તેના તેલના 27 ટકા ઇરાકથી, 17 ટકા સાઉદી અરેબિયાથી અને 13 ટકા યુએઇથી આયાત કરતું હતું. જોકે હવે રશિયાએ સાઉદી અરેબિયાનું સ્થાન લીધું છે.

દેશના ચાર મહાનગરોમાં પેટ્રોલ ડીઝલની કિંમત

• દિલ્હીમાં પેટ્રોલ રૂ. 96.72 અને ડીઝલ રૂ. 89.62 પ્રતિ લીટર
• મુંબઈમાં પેટ્રોલ રૂ. 111.35 અને ડીઝલ રૂ. 97.28 પ્રતિ લીટર
• ચેન્નાઈ પેટ્રોલ રૂ. 102.63 અને ડીઝલ રૂ. 94.24 પ્રતિ લીટર
• કોલકાતા પેટ્રોલ રૂ. 106.03 અને ડીઝલ રૂ. 92.76 પ્રતિ લીટર

ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 96.63 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 92.38 રૂપિયા પ્રતિ લીટર છે. રાજસ્થાન શ્રીગંગાનગરમાં એક લીટર પેટ્રોલ 113.49 રૂપિયા પ્રતિ લીટર વેચાઈ રહ્યું છે જયારે ડીઝલની કિંમત 98.24 રૂપિયા પ્રતિ લીટર છે.

ગુજરાતના ચાર મહાનગરોમાં પેટ્રોલ – ડીઝલના રેટ આ મુજબ છે

દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો

આ રીતે જાણો તમારા શહેરમાં પેટ્રોલ-ડીઝલની કિંમત

પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે.