હવે રિલાયન્સને ઘરે-ઘરે લઈ જવાની તૈયારીમાં મુકેશ અંબાણી, જાણો તેમના પ્લાન વિશે

ઉદ્યોગપતિ મુકેશ અંબાણી (Mukesh Ambani) આવનારા દિવસોમાં કંઈક એવું કરવા જઈ રહ્યા છે જેનાથી રિલાયન્સ ઈન્ડસ્ટ્રીઝ (Reliance Industries)નું નામ ભારતના દરેક ઘરમાં ગુંજશે. આ માટે તેણે મોટું પ્લાનિંગ કર્યું છે. વાસ્તવમાં આ આખું આયોજન લગભગ 900 બિલિયન ડોલરના રિટેલ સેક્ટરના મોટા ખેલાડી બનવાનું છે. હાલમાં રિલાયન્સ ઈન્ડસ્ટ્રીઝ દેશની સૌથી મોટી રિટેલર કંપની છે અને તેનો સમગ્ર રિટેલ બિઝનેસ સબસિડિયરી કંપની રિલાયન્સ રિટેલ હેઠળ આવે છે.

ખરીદવા માટે 30 બ્રાન્ડ્સ

હવે રિલાયન્સ રિટેલરમાંથી કન્ઝ્યુમર ગુડ્સ કંપનીમાં જવાની યોજના બનાવી રહી છે. જેથી તે યુનિલિવર, પેપ્સીકો, નેસ્લે અને કોકા-કોલા જેવી મોટી આંતરરાષ્ટ્રીય કંપનીઓ સાથે સ્પર્ધા કરી શકે. રોઈટર્સે અહેવાલ આપ્યો છે કે રિલાયન્સ આ માટે નવી વર્ટિકલ રિલાયન્સ રિટેલ કન્ઝ્યુમર બ્રાન્ડ્સનો પ્રચાર કરી રહી છે. કંપની આગામી 6 મહિનામાં કરિયાણા, ઘરગથ્થુ અને વ્યક્તિગત સંભાળ માટે લગભગ 50-60 બ્રાન્ડ્સનો પોર્ટફોલિયો બનાવવાની યોજના ધરાવે છે.

સમાચાર અનુસાર કંપની હાલમાં ભારતની 30 લોકપ્રિય સ્થાનિક ગ્રાહક બ્રાન્ડ્સ સાથે વાતચીતના અંતિમ તબક્કામાં છે. બની શકે કંપની આ બ્રાન્ડ્સને સંપૂર્ણ રીતે ખરીદે અથવા તે તેમની સાથે સંયુક્ત સાહસ પણ બનાવી શકે છે, જેથી તેને વેચાણમાં હિસ્સો મળે. જો કે આ બ્રાન્ડ્સની ડીલ માટે કંપની કેટલા કરોડ રૂપિયા ખર્ચવા જઈ રહી છે તેની વિગતો બહાર આવી નથી, પરંતુ રોયટર્સે સૂત્રોને ટાંકીને માહિતી આપી છે કે કંપનીએ રિટેલ બિઝનેસનું વાર્ષિક વેચાણ 500 ડોલર રાખવાનું લક્ષ્ય નક્કી કર્યું છે. જોકે રિલાયન્સે આ અંગે કોઈ ટિપ્પણી કરી નથી.

Web Stories View more

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

રિલાયન્સનું નામ દરેક ઘરમાં હશે

રિલાયન્સ રિટેલ હાલમાં દેશભરમાં લગભગ 2,000 કરિયાણાની દુકાનો ચલાવે છે. તે જ સમયે તેનું ઇ-કોમર્સ પ્લેટફોર્મ Jio Mart પણ ઝડપથી વિકાસ કરી રહ્યું છે. હાલમાં કંપની તેના સ્ટોર પર અન્ય કંપનીઓના મોટાભાગના ઉત્પાદનોનું વેચાણ કરે છે, જ્યારે તેના પોતાના લેબલ્સ ખૂબ ઓછા છે. પરંતુ કંપની ઈચ્છે છે કે રિલાયન્સ દેશના દરેક ઘર સુધી પહોંચે, જેનો અર્થ છે કે દેશના દરેક ઘરમાં રિલાયન્સ ઈન્ડસ્ટ્રીની કોઈને કોઈ બ્રાન્ડ હોવી જોઈએ, જેમ કે યુનિલિવર દાવો કરે છે કે દર 10 ભારતીય ઘરોમાં 9 કંપનીની વસ્તુ ઉપયોગ થાય છે.

રિલાયન્સના આ આયોજન અંગે એમ્બિટ કેપિટલના આલોક શાહ કહે છે કે જૂની અને મોટી કંપનીઓના બ્રાન્ડ નામોની પોતાની આગવી ઓળખ છે, તેથી તેમની સાથે સ્પર્ધા કરવી એ એક મોટો પડકાર છે. તેથી જો રિલાયન્સ બીજી રીતે જાય છે (બ્રાંડ્સના મર્જર અને એક્વિઝિશન) તો તેના માટે તેની રેન્કને ઝડપથી વધારવાનું સરળ બનશે. પરંતુ કંપનીએ ડિસ્ટ્રિબ્યુશન અને પ્રાઇસિંગ ફ્રન્ટ પર ઘણું કામ કરવું પડશે.

ઝડપી ભરતી

કંપનીની ભરતી પ્રક્રિયા પણ રિલાયન્સના મોટા રિટેલ પ્લાન વિશે દર્શાવે છે. LinkedIn પર ઉપલબ્ધ માહિતી અનુસાર, તાજેતરમાં જ ડેનોન અને કેલોગ જેવી કંપનીના ઘણા મોટા એક્ઝિક્યુટિવ્સ રિલાયન્સ સાથે જોડાયા છે. બીજી તરફ, રિલાયન્સે તાજેતરમાં નોકરીની જાહેરાતમાં જણાવ્યું હતું કે તેને 100 શહેરો અને નગરોમાં મધ્ય-સ્તરના સેલ્સ મેનેજરની જરૂર છે, જેઓ સામાન્ય રીતે વિતરકો અને વેપારીઓનું સંચાલન કરે છે. કંપની શરૂઆતમાં તેની બ્રાન્ડ્સને સ્ટેપલ્સ, પર્સનલ કેર, બેવરેજીસ અને ચોકલેટ કેટેગરીમાં લોન્ચ કરી શકે છે.