નેટફ્લિક્સના સ્ટોકમાં 37 ટકાનો ઘટાડો, ગ્રાહકોની સંખ્યામાં તીવ્ર ઘટાડાની અસર
નેટફ્લિક્સ (Netflix) અંદાજ છે કે લગભગ 10 કરોડ લોકો તેમના સબ્સ્ક્રિપ્શન (subscription) પાસવર્ડ તેમના મિત્રો અને પડોશીઓ સાથે શેર કરી રહ્યા છે, જેના કારણે તેના સબ્સક્રાઈબર ઘટી રહ્યા છે. કંપની પાસવર્ડ શેરિંગને દૂર કરવાની રણનીતિ પર કામ કરી રહી છે
નેટફ્લિક્સ (Netflix) ના શેરમાં આજે તીવ્ર ઘટાડો જોવા મળી રહ્યો છે, યુએસ બજારોના પ્રારંભિક ટ્રેડિંગમાં સ્ટોક (Stock) 37 ટકાથી વધુ તૂટ્યો છે. મંગળવારે જ કંપનીએ તેના ત્રિમાસિક પરિણામો જાહેર કર્યા હતા. જેમાં કંપનીએ માહિતી આપી હતી કે દાયકામાં પ્રથમ વખત તેના ગ્રાહકોની સંખ્યામાં (Subscriber) ઘટાડો જોવા મળ્યો છે. ઘણી રિસર્ચ કંપનીઓ દ્વારા કંપનીના પરિણામોને ડાઉનગ્રેડ કર્યા બાદ આજે શેરમાં ભારે ઘટાડો જોવા મળ્યો છે. નેટફ્લિક્સે આશંકા વ્યક્ત કરી છે કે ઘણા ઘરોમાં લોકો એકબીજાની વચ્ચે તેમના પાસવર્ડ શેર કરી રહ્યા છે, જેના કારણે ગ્રાહકોની સંખ્યામાં ઘટાડો થયો છે. નબળા પરિણામોને પગલે, બેન્ક ઓફ અમેરિકા સહિત અનેક બ્રોકિંગ ફર્મ્સ અને વિશ્લેષકોએ કંપનીની ભાવિ કમાણી અંગે ચિંતા વ્યક્ત કરી છે અને સ્ટોક ડાઉનગ્રેડ કર્યો છે.
ક્યાં પહોંચ્યો નેટફ્લિક્સનો શેર
આજે ટ્રેડિંગની શરૂઆત સાથે નેટફ્લિક્સ શેરમાં ઘટાડો જોવા મળ્યો છે. શેર આજે 348.61 ડોલરના પાછલા બંધ સ્તર સામે 250 ના સ્તરે ખૂલ્યો હતો અને તે ઘટીને 212.51 ના સ્તરે પહોંચ્યો હતો. એટલે કે આજે શેરમાં 39 ટકા સુધીનો ઘટાડો જોવા મળ્યો છે. આજનો નીચો સ્ટોકનો વર્ષનો નવા તળિયે છે. છેલ્લા એક વર્ષમાં આ સ્ટોક 700 ડોલરના સ્તરે પહોંચી ગયો છે. મીડિયા રિપોર્ટ્સ અનુસાર, Netflix રોકાણકારોને આજના ઘટાડામાં 50 બિલિયન ડોલરથી વધુનું નુકસાન થયું છે, આ રકમ લગભગ 4 લાખ કરોડ રૂપિયા જેટલી છે.
શા માટે સ્ટોકમાં ઘટાડો જોવા મળ્યો ?
કંપનીના નબળા પરિણામોના કારણે Netflixના શેરમાં ઘટાડો જોવા મળ્યો છે. કંપનીએ માહિતી આપી છે કે તેના ગ્રાહકોની સંખ્યામાં ઘટાડો થયો છે. કંપનીએ કહ્યું છે કે હાલમાં તેની સામે ઘણા પડકારો છે. નેટફ્લિક્સ અનુસાર, આ સેક્ટરમાં સ્પર્ધા વધી રહી છે. તે જ સમયે, કોવિડના પ્રતિબંધોમાં ઘટાડો થવાથી, સ્ક્રીન ટાઈમ ઘટવાનું પણ અનુમાન છે. આ સાથે, કંપનીનો અંદાજ છે કે લગભગ 100 મિલિયન લોકો તેમના સબ્સ્ક્રિપ્શન પાસવર્ડ તેમના પડોશીઓ અને મિત્રો સાથે શેર કરી રહ્યા છે.
કંપનીએ આ પડકારોનો સામનો કરવા માટે એક યોજનાની પણ જાહેરાત કરી છે, જેમાં એડ સપોર્ટ અને પાસવર્ડ શેરિંગ સાથે વ્યવહાર કરવાની રીતોનો સમાવેશ થાય છે. બજારના જાણકારોના મતે આ પગલાંથી ફાયદો થશે, પરંતુ તેની અસર એક-બે વર્ષમાં જોવા મળશે. આ કારણોસર, બજારે આગામી થોડા સમય માટે Netflix ના અર્નિંગ આઉટલૂક વિશે ચિંતા વ્યક્ત કરી હતી, જેના કારણે શેરમાં તીવ્ર ઘટાડો થયો છે. પરિણામો પછી, લગભગ 9 દિગ્ગજોએ Netflix ને ડાઉનગ્રેડ કર્યું છે, જેમાં બેન્ક ઓફ અમેરિકા, વેલ્સ ફાર્ગો વગેરેનો સમાવેશ થાય છે.
Latest News Updates
