Share Market : વર્ષના છેલ્લા સત્રનું તેજી સાથે ક્લોઝિંગ, સેન્સેક્સ 460 અને નિફટી 150 અંક વધ્યા

Share Market : વર્ષના છેલ્લા સત્રનું તેજી સાથે ક્લોઝિંગ, સેન્સેક્સ 460 અને નિફટી 150 અંક વધ્યા
શેરબજારના ઘટાડા ઉપર લાગી બ્રેક

ભારતીય શેરબજારમાં ગુરુવારે વધઘટ જોવા મળી હતી. ટ્રેડિંગના અંતે સેન્સેક્સ અને નિફ્ટી બંને લાલ નિશાનમાં બંધ થયા છે.

TV9 GUJARATI

| Edited By: Ankit Modi

Dec 31, 2021 | 6:15 PM

Share Market : સપ્તાહ, મહિના અને વર્ષના છેલ્લા ટ્રેડિંગ દિવસમાં આજે શેરબજારમાં જોરદાર ઉછાળો આવ્યો હતો. બોમ્બે સ્ટોક એક્સચેન્જ (BSE) સેન્સેક્સ 459 પોઈન્ટ (0.80%) વધીને 58,253 પર બંધ થયો હતો. રોકાણકારોને રૂ. 2.5 લાખ કરોડનો ફાયદો થયો છે. નેશનલ સ્ટોક એક્સચેન્જનો નિફ્ટી 150 પોઈન્ટ વધીને 17,354 પર બંધ થયો હતો. દિવસ દરમિયાન તે 17,400 ની ઊંચી અને 17,238 ની નીચી સપાટીએ પહોંચ્યો હતો.

સ્ટોક એક્સચેન્જમાં સીએમએસ ઇન્ફોસિસ્ટમના શેરના લિસ્ટિંગે રોકાણકારોને નિરાશ કર્યા હતા. તેનો સ્ટોક રૂ. 220 પર લિસ્ટ થયો હતો જ્યારે ઇશ્યૂ કિંમત રૂ. 216 હતી. તેણે બજારમાંથી રૂ. 1100 કરોડ એકત્ર કર્યા હતા. જોકે, લિસ્ટિંગ પછી, શેર 15% વધીને રૂ. 252 પર પહોંચ્યો હતો. અંતે, તે 8.65 ટકા વધીને રૂ. 237 પર બંધ થયો હતો.

વૈશ્વિક સંકેતો નબળા

ભારતીય શેરબજાર માટે વૈશ્વિક સંકેતો નબળા છે. આજના કારોબારમાં એશિયાના મુખ્ય બજારોમાં દબાણ જોવા મળી રહ્યું છે. ગુરુવારે યુએસ બજારો ઘટાડા સાથે બંધ થયા હતા. ડાઉ જોન્સમાં તેજી પર બ્રેક લાગી છે. ડાઉ જોન્સમાં ગઈકાલે 91 પોઈન્ટની નબળાઈ હતી અને તે 36398 પર બંધ રહ્યો હતો. નાસ્ડેક 25 પોઈન્ટ ઘટીને 15,741.56 પર અને S&P 500 ઈન્ડેક્સ 14 પોઈન્ટ ઘટીને 4,778.73 પર બંધ થયો હતો. એશિયન બજારોની વાત કરીએ તો SGX નિફ્ટીમાં નબળાઈ છે જોકે સ્ટ્રેટ ટાઈમ્સ અને હેંગસેંગ લીલા રંગમાં દેખાય છે. શાંઘાઈ કમ્પોઝિટમાં પણ તેજી છે.

વાયદા બજારમાં તેમની એન્ટ્રી

આજથી AB Capital , IDFC, GNFC, NBCC અને બલરામપુર સુગર સહિત 9 નવા શેરો ફ્યુચર્સ માર્કેટમાં પ્રવેશ કર્યો હતો.

JSW Energy

ભારતીય જીવન વીમા નિગમે ઓપન માર્કેટ ટ્રાન્ઝેક્શન હેઠળ JSW Energyમાં 2.01 ટકા હિસ્સો ખરીદ્યો છે. કંપનીમાં લાઈફ ઈન્સ્યોરન્સ કોર્પોરેશન ઓફ ઈન્ડિયાનો હિસ્સો હવે 7 ટકાથી વધીને 9.01 ટકા થઈ ગયો છે.

FII અને DII ડેટા

વિદેશી સંસ્થાકીય રોકાણકારો (FIIs) એ 30 ડિસેમ્બર ગુરુવારે બજારમાંથી રૂ. 986.32 કરોડ ઉપાડ્યા હતા. આ સમયગાળા દરમિયાન સ્થાનિક સંસ્થાકીય રોકાણકારો (DII) એ રૂ. 577.74 કરોડનું રોકાણ કર્યું હતું.

ગુરુવારે બજાર લાલ નિશાનમાં બંધ થયું

ભારતીય શેરબજારમાં ગુરુવારે વધઘટ જોવા મળી હતી. ટ્રેડિંગના અંતે સેન્સેક્સ અને નિફ્ટી બંને લાલ નિશાનમાં બંધ થયા છે. સેન્સેક્સ 12 પોઈન્ટ નબળો પડીને 57794 પર બંધ થયો. નિફ્ટી 10 પોઈન્ટ નબળો પડીને 17204 પર બંધ થયો. આઈટી ઈન્ડેક્સ નિફ્ટી પર 1 ટકા વધીને બંધ થયો. મેટલ ઇન્ડેક્સ 1 ટકા ડાઉન હતો. ટોપ ગેઇનર્સમાં HCLTECH, NTPC, INDUSINDBK, TITAN, WIPRO અને DRREDDY નો સમાવેશ થયો જ્યારે ટોપ લૂઝર્સમાં RELIANCE, TATASTEEL, BAJAJFINSV, MARUTI, SUNPHARMA રહ્યા હતા.

આ પણ વાંચો : વિશ્વની આ ટોપ બ્રાન્ડ્સે કામ બદલી કિસ્મત પલ્ટી નાંખી, જાણો કોણે શું કરી શરૂઆત અને શેના માટે બન્યા ફેમસ

આ પણ વાંચો : આ DEMAT ખાતાધારકો આવતીકાલથી નહીં કરી શકે શેરનું ખરીદ – વેચાણ! જાણો કારણ

Follow us on

Related Stories

Most Read Stories

Click on your DTH Provider to Add TV9 Gujarati