Share Market : ચાર દિવસની તેજી બાદ આજે મોટા ઘટાડા સાથે SENSEX 983 અને NIFTY 263 અંક તૂટયાં

મહિના અને સપ્તાહના છેલ્લા દિવસે શેર બજાર(Share Market)માં મોટો ઘટાડો નોંધાયો છે. આજના કારોબારના અંતે સેન્સેક્સ 983 પોઇન્ટ તૂટ્યો છે

  • Ankit Modi
  • Published On - 16:28 PM, 30 Apr 2021
Share Market : ચાર દિવસની તેજી બાદ આજે  મોટા ઘટાડા સાથે  SENSEX 983 અને NIFTY 263 અંક તૂટયાં
શેરબજારમાં આજે મોટો ઘટાડો નોંધાયો છે.

મહિના અને સપ્તાહના છેલ્લા દિવસે શેર બજાર(Share Market)માં મોટો ઘટાડો નોંધાયો છે. આજના કારોબારના અંતે સેન્સેક્સ 983 પોઇન્ટ તૂટ્યો છે તો નિફ્ટી 263 પોઇન્ટ લપસ્યો છે. બેંકિંગ અને નાણાકીય ક્ષેત્રના શેરોમાં ભારે વેચવાલીના પગલે બજારમાં આ ઘટાડો નોંધાયો હતો. કારોબાર દરમ્યાન ફાર્મા શેરોના નિફ્ટી ઈન્ડેક્સમાં 1.28% ની વૃદ્ધિએ બજારને તેજી અપાવવા પ્રયાસ કાર્ય પણ તે નિષ્ફ્ળ રહયા હતા. નિફ્ટી ફાઇનાન્શિયલ સર્વિસીસમાં 3.03% જ્યારે બેન્ક નિફ્ટી 2.77% ગગડ્યા તો નિફ્ટી ઓટો ઇન્ડેક્સ પણ દોડ્યું નહિ અને 1.36% ની નીચે બંધ થયું છે.

ભારતીય શેરબજારની છેલ્લી સ્થિતિ
બજાર        સૂચકઆંક            ઘટાડો
સેન્સેક્સ    48,782.36    −983.58 (1.98%)
નિફટી       14,631.10     −263.80 (1.77%)

ભારતીય સ્થાનિક શેરબજાર છેલ્લા ચાર દિવસથી વૃદ્ધિ દર્શાવી રહ્યું હતું જેના ઉપર આજે બ્રેક લાગી છે. આજના કારોબારી સત્રના દિવસે ઘરેલુ બજાર નબળા થઈને બંધ થયા છે. દિવસના અંતે નિફ્ટી 14650 ની નીચે બંધ થયા છે અને સેન્સેક્સ 48782.36 પર કારોબાર પૂર્ણ કર્યો છે. દિવસના ઊપરી સ્તરોથી સેન્સેક્સે 983 અંકો સુધીના ગોથા લગાવ્યા જ્યારે નિફ્ટીમાં 263 અંકોનો ઘટાડો જોવા મળ્યો છે.

આજે મિડકેપ અને સ્મૉલકેપ શેરોમાં નબળાઈ જોવા મળી છે. બીએસઈના મિડકેપ ઈન્ડેક્સ 0.65 ટકા સુધી લપસીને બંધ થયા છે જ્યારે નિફ્ટીના મિડકેપ 100 ઈન્ડેક્સમાં 0.37 ટકાનો ઘટાડો દર્જ કરવામાં આવ્યો છે. બીએસઈના સ્મૉલકેપ ઈન્ડેક્સ 0.07 ટકા ઘટીને બંધ થયા છે.

આજના કારોબારમાં આ મુજબ ઉતાર – ચઢાવ જોવા મળ્યો હતો
SENSEX
Open   49,360.89
High   49,569.42
Low     48,698.08

NIFTY
Open    14,747.35
High    14,855.45
Low     14,601.70