સપ્ટેમ્બરમાં ફરી એકવાર લોન મોંઘી થઈ શકે છે, જાણો કેટલો વધારો થવાની ધારણા
જર્મનીની ડોઇશ બેન્કે અનુમાન લગાવ્યું છે કે સપ્ટેમ્બરમાં રિઝર્વ બેન્ક (RBI) તેની સપ્ટેમ્બર પોલિસી સમીક્ષામાં દરમાં વધારો કરી શકે છે. જેના કારણે આગામી સમયમાં લોનના (Hone Loan) દરમાં વધુ વધારો થશે.
ફુગાવાના દરમાં ધીમે ધીમે નરમાઈનો અંદાજ લગાવવામાં આવી શકે છે, પરંતુ હાલના તબક્કે લોનના દરમાં (Interest Rate) વધારો ચાલુ રહી શકે છે. જો કે આગામી સમયમાં તેની વૃદ્ધિની ગતિ ધીમી પડી શકે છે. જર્મનીની ડોઇશ બેન્કે અનુમાન લગાવ્યું છે કે સપ્ટેમ્બરમાં રિઝર્વ બેન્ક (RBI) તેની સપ્ટેમ્બર પોલિસી સમીક્ષામાં દરમાં વધારો કરી શકે છે. જેના કારણે આગામી સમયમાં લોનના (Hone Loan) દરમાં વધુ વધારો થશે, રિઝર્વ બેંકની ઓગસ્ટની પોલિસી સમીક્ષા બેઠક પહેલા જ કેન્દ્રીય બેંકે ફુગાવાને અંકુશમાં લેવાને પ્રાથમિકતા આપવાનું કહ્યું છે, જે હજુ પણ રિઝર્વ બેંક દ્વારા નિર્ધારિત મર્યાદાથી વધુ છે. છે.
વ્યાજદરમાં કેટલો વધારો થઈ શકે?
ડોઇશ બેન્કનો અંદાજ છે કે ભારતીય રિઝર્વ બેન્કની મોનેટરી પોલિસી કમિટી (MPC) પોલિસી રેટમાં વધારાની ગતિને વધુ ઘટાડી શકે છે. ડોઇશ બેન્કના જણાવ્યા અનુસાર, રિઝર્વ બેન્ક સપ્ટેમ્બરની નાણાકીય સમીક્ષામાં રેપો રેટમાં એક ક્વાર્ટર ટકાનો વધારો કરી શકે છે. સેન્ટ્રલ બેંકે આ વર્ષના મે મહિનાથી રેપો રેટમાં 1.40 ટકાનો વધારો કર્યો છે.
ફુગાવો રિઝર્વ બેન્કના 6 ટકાના સંતોષકારક સ્તરથી ઉપર જ રહ્યો છે, જેને ધ્યાનમાં રાખીને મધ્યસ્થ બેન્કે ત્રણ વખત પોલિસી રેટમાં 1.40 ટકાનો વધારો કર્યો છે. બેન્ક ઓફ જર્મનીએ એક રિપોર્ટમાં જણાવ્યું છે કે અહીંથી રિઝર્વ બેન્ક વ્યાજદરમાં વધારાની ગતિ ઘટાડશે. મોનેટરી પોલિસી કમિટીની છેલ્લી બેઠકની વિગતો હાલમાં જ આવી છે, જેમાં મોંઘવારી પર અંકુશ લાવવાને પ્રાથમિકતા આપવામાં આવી છે.
ફુગાવાનો દર ધીમો થવાના સંકેતો
સેન્ટ્રલ બેંકના પગલા અને કોમોડિટીના ભાવમાં ઘટાડાને કારણે ફુગાવાના દરમાં નરમાઈ આવવાના સંકેતો છે. જુલાઈમાં જથ્થાબંધ ભાવ આધારિત ફુગાવો ઘટીને 13.93 ટકા થયો હતો. આ પાંચ મહિનામાં તેનું સૌથી નીચું સ્તર છે. તે જ સમયે, છૂટક મોંઘવારી દર જુલાઈ મહિનામાં 7 ટકાની નીચે આવી ગયો છે. રિટેલ ફુગાવો સતત સાતમા મહિને રિઝર્વ બેંક દ્વારા નિર્ધારિત લક્ષ્યાંકથી ઉપર રહ્યો હતો, જેના કારણે રિઝર્વ બેંકે દરોમાં તીવ્ર વધારો કર્યો છે. રિઝર્વ બેંકનું લક્ષ્ય ફુગાવાના દરને 2 થી 6 ટકાની રેન્જમાં રાખવાનો છે અને એવી અપેક્ષા છે કે ફુગાવાનો દર 2023ની શરૂઆતમાં આ લક્ષ્યાંકની અંદર આવી શકે છે.
Latest News Updates
