IPO: Shyam Metalics નો IPO 14 જૂને લોન્ચ થશે, જો તમે રોકાણ કરવાનું વિચારી રહ્યા છો તો વાંચો આ અહેવાલ
કોલકાતા સ્થિત સ્ટીલ મેન્યુફેક્ચરિંગ કંપની શ્યામ મેટાલિક્સ અને એનર્જી લિ. (Shyam Metalics and Energy Ltd) રૂ. 1107 કરોડ એકત્ર કરવા માટે 14 જૂને પોતાનો આઈપીઓ લોન્ચ કરશે.
કોલકાતા સ્થિત સ્ટીલ મેન્યુફેક્ચરિંગ કંપની શ્યામ મેટાલિક્સ અને એનર્જી લિ. (Shyam Metalics and Energy Ltd) રૂ. 1107 કરોડ એકત્ર કરવા માટે 14 જૂને પોતાનો આઈપીઓ લોન્ચ કરશે. આ બાબતે સૂત્રોએ જણાવ્યું છે કે આ આઈપીઓ 14 જૂને સબ્સક્રિપ્શન માટે ખુલશે અને રોકાણકારો 16 જૂન સુધી સબ્સક્રાઇબ કરી શકશે.
સેબી (SEBI) સમક્ષ રજૂ કરાયેલા કંપનીના DRHP મુજબ, આ પબ્લિક ઈશ્યું માટે કંપની રૂ.657 કરોડના નવા ઇક્વિટી શેર રજૂ કરશે, જ્યારે કંપનીના પ્રમોટરો અને હાલના રોકાણકારો માટે 450 કરોડના OFS ઇશ્યૂ કરશે.
આ આઈપીઓ દ્વારા ઉભા કરેલા રૂ.657 કરોડનો ઉપયોગ પોતાના અને તેની સહયોગી કંપની એસએસપીએલનું દેવું ચૂકવવા માટે કરશે. શ્યામ મેટાલિક્સ આ આઇપીઓ માટે તેના મુખ્ય મેનેજર તરીકે આઇસીઆઈસીઆઈ સિક્યોરિટીઝ, એક્સિસ કેપિટલ, આઇઆઇએફએલ સિક્યુરિટીઝ, જેએમ ફાઇનાન્સિયલ અને એસબીઆઇ કેપિટલની નિમણૂક કરી છે.
કંપનીની બેલેન્સશીટ અને વ્યવસાય
31 ડિસેમ્બર 2020 સુધીમાં શ્યામ મેટાલિક્સ પરનું કુલ દેવું 381.12 કરોડ રૂપિયા હતું. જ્યારે તેની સહયોગી કંપની એસએસપીએલ પર 398.60 કરોડનું દેવું હતું. એટલે કે, કંપનીનું કુલ દેવું 886.29 કરોડ છે. નાણાકીય વર્ષ 2020-21 ના ડિસેમ્બર ક્વાર્ટર સુધી કંપનીની કુલ આવક 3933.08 કરોડ રૂપિયા હતી.
ગયા વર્ષે સમાન ગાળામાં કંપનીની કુલ આવક 3283.09 કરોડ રૂપિયા હતી. ડિસેમ્બર ક્વાર્ટરમાં શ્યામ મેટાલિક્સને 456.32 કરોડ રૂપિયાનો ચોખ્ખો નફો થયો હતો. જ્યારે પાછલા નાણાકીય વર્ષ Q3 માં કંપનીનો ચોખ્ખો નફો ફક્ત 260.36 કરોડ રૂપિયા હતો.
પશ્ચિમ બંગાળના મંગલપુર ખાતે ઓડિશાના સંભલપુર અને જમુરિયામાં હાલમાં કંપનીના 3 સ્ટીલ ઉત્પાદક એકમો છે. કંપની દર વર્ષે 57 લાખ ટનથી વધુ સ્ટીલનું ઉત્પાદન કરે છે. આ સિવાય કંપની પાસે 227 મેગાવોટની ક્ષમતાવાળા પાવર પ્લાન્ટ પણ છે.
આ ઉપરાંત, શ્યામ મેટાલિક્સ પશ્ચિમ બંગાળના પકુરિયા ખાતે એલ્યુમિનિયમ ફોઇલ રોલિંગ મિલ સ્થાપિત કરશે, જે આ વર્ષના અંત સુધીમાં કાર્યરત થવાની સંભાવના છે.
Latest News Updates
