Indian Railway: રેલ્વે સાથે જોડાયને શરૂ કરો બિઝનેસ, ઓછા રોકાણે થશે મોટો ફાયદો
તમારે એવી પ્રોડક્ટ શોધવી પડશે જે તમે કોઈપણ કંપની અથવા બજારમાંથી સરળતાથી અને સસ્તું દરે મેળવી શકો
Indian Railway: કોવિડ -19 (COVID-19) ને કારણે બંધ થયેલી ટ્રેનો હવે ફરી એકવાર ટ્રેક પર દોડી રહી છે. ટ્રેન સેવા શરૂ થયા બાદ વ્યવસાયની તકો પણ વધી છે. જો તમે પણ બિઝનેસ કરવાનું વિચારી રહ્યા છો તો તમારા માટે એક સારા સમાચાર છે. તમે ભારતીય રેલવેમાં જોડાઈને નફાકારક વ્યવસાય શરૂ કરી શકો છો. તમે રેલવેને ઉત્પાદનો વેચીને કમાણી કરી શકો છો.
ખરેખર, ભારતીય રેલવે વાર્ષિક રૂ. 70,000 કરોડથી વધુની પ્રોડક્ટ ખરીદે છે. તમે રેલવેને તેમની જરૂરિયાતો અનુસાર ઉત્પાદનો સપ્લાય કરીને કમાણી કરી શકો છો. રેલવે સાથે વ્યવસાય કરવા માટે, તમારે પહેલા નોંધણી કરાવવી પડશે. તમે https://ireps.gov.in અને https://gem.gov.in વેબસાઇટ પર જઈને નોંધણી કરાવી શકો છો.
આ રીતે તમને વ્યવસાયની મળશે તક મેક ઇન ઇન્ડિયા નીતિ હેઠળ, 50 ટકાથી વધુ સ્થાનિક ઉત્પાદનો ધરાવતા સપ્લાયર્સ જ રેલવે વેગન, ટ્રેક અને એલએચબી કોચના ટેન્ડરમાં ભાગ લઇ શકશે. તે જ સમયે, ‘વંદે ભારત’ ટ્રેન સેટ માટે 75 ટકા ઇલેક્ટ્રિક સામાન મેક ઇન ઇન્ડિયા હેઠળ ખરીદવામાં આવશે.
બજારમાં સૌથી સસ્તો માલ સપ્લાય કરતી કંપની પાસેથી રેલવે કોઈ પણ પ્રોડક્ટ ખરીદે છે. આવી સ્થિતિમાં, તમારે એવી પ્રોડક્ટ શોધવી પડશે જે તમે કોઈપણ કંપની અથવા બજારમાંથી સરળતાથી અને સસ્તું દરે મેળવી શકો. તમારી કિંમત અને નફાના આધારે ટેન્ડર દાખલ કરો. તમારા દર સ્પર્ધાત્મક હોવા જોઈએ તો જ તમારા માટે ટેન્ડર મેળવવું સરળ રહેશે.
આ ડિસ્કાઉન્ટ મળશે રેલવે નાના ઉદ્યોગોને પ્રોત્સાહન આપી રહ્યું છે. MSME ને રેલવેના ટેન્ડરની કિંમતના 25 ટકા સુધીની ખરીદીમાં 15 ટકા સુધીની પ્રાથમિકતા મળે છે. આ સિવાય નાના ઉદ્યોગો માટે EMD અને સિક્યોરિટી ડિપોઝિટ જમા કરવાની શરતોમાં પણ રાહત આપવામાં આવી છે.
નવા રજીસ્ટ્રેશનની જરૂર નથી જો કોઈ સપ્લાયર રેલવેની કોઈપણ એક એજન્સીમાં પ્રોડક્ટ સપ્લાય માટે નોંધણી કરાવે છે, તો તે સમગ્ર રેલવેમાં પ્રોડક્ટની સપ્લાય માટે નોંધણી તરીકે ગણવામાં આવશે. નવી નોંધણીની જરૂર રહેશે નહીં. એકવાર નોંધણી કરાવીને, તમે રેલવે સાથે વ્યવસાય શરૂ કરી શકો છો.
આ પણ વાંચો: Petrol Diesel Price Today : આજે 1 લીટર પેટ્રોલ અને ડીઝલ પાછળ કેટલો ખર્ચ કરવો પડશે? જાણો અહેવાલમાં