શું કોમર્શિયલ પ્રોપર્ટી પર પણ ભરવો પડે છે ટેક્સ? જાણો શું કહે છે નિયમ

શું કોમર્શિયલ પ્રોપર્ટી પર પણ ભરવો પડે છે ટેક્સ? જાણો શું કહે છે નિયમ
Property Tax on Commercial Property (Symbolic Image)

જો તમે કોમર્શિયલ પ્રોપર્ટીની ખરીદી, બાંધકામ, સમારકામ અથવા પુનઃનિર્માણ માટે લોન લીધી હોય અને તે લોન પર વ્યાજ ચૂકવી રહ્યા હોવ, તો તમે તેના પર કર કપાતનો લાભ લઈ શકો છો. તમારે આ કર કપાત (Tax Deduction) માટે દાવો કરવો પડશે.

TV9 GUJARATI

| Edited By: Bhavesh Bhatti

May 12, 2022 | 8:00 PM

તમે પણ એવા લોકોમાં સામેલ છો કે જેઓ ઓફિસ, દુકાન કે વેરહાઉસ ભાડે રાખીને ભાડામાંથી કમાય છે. જો આમ હોય, તો તમારે આવકવેરા સંબંધિત (Income Tax) નિયમો જાણવું જોઈએ. આવી મિલકત કોમર્શિયલ પ્રોપર્ટીના દાયરામાં આવે છે. અને તેનો નિયમ રહેણાંક મિલકતથી અલગ છે. આજે આપણે જાણવાનો પ્રયત્ન કરીશું કે કોમર્શિયલ પ્રોપર્ટી પર પ્રોપર્ટી ટેક્સ (Property Tax) કેવી રીતે વસૂલવામાં આવે છે અને તેના નિયમો શું છે. ભલે તમે રહેણાંક મિલકતમાંથી અથવા ફરી કોમર્શીયલ પ્રોપર્ટીમાંથી કમાણી કરી છો, જો તમે ભાડામાંથી આવક લો છો, તો તમારે ‘ઈનકમ ફ્રોમ હાઉસ પ્રોપર્ટી’ હેઠળ કેપિટલ ગેઈન ટેક્સ ચૂકવવો પડશે. આ નિયમ ત્યારે લાગુ પડે છે, જ્યારે તમે પ્રોપર્ટીના માલિક હોવ.

જો તમારી પાસે મિલકતની માલિકી નથી અને તમે તેને ભાડે આપી દીધી છે, તેથી આમાંથી થતી કમાણી ‘અન્ય સ્ત્રોતમાંથી આવક’માં દર્શાવવી પડશે અને તેના નિયમો અનુસાર ટેક્સ ભરવાનો રહેશે. જો કે, તમને ટેક્સ બચાવવાની તક પણ મળે છે. તે સ્ટાન્ડર્ડ ડીડક્શન હેઠળ સરળતાથી મેળવી શકાય છે. સ્ટાન્ડર્ડ ડીડક્શનમાં ભાડામાંથી થયેલી કમાણી પર 30 ટકા સુધી છુટ મેળવી શકાય છે. તમે તમારી માલિકીની મિલકતના સમારકામ પર થયેલા ખર્ચ પર કર કપાતનો લાભ પણ લઈ શકો છો.

પ્રીપેમેન્ટ ચાર્જ પર ડિસ્કાઉન્ટ

જો તમે કોમર્શિયલ પ્રોપર્ટીની ખરીદી, બાંધકામ, સમારકામ અથવા પુનઃનિર્માણ માટે લોન લીધી હોય અને તે લોન પર વ્યાજ ચૂકવી રહ્યા હોવ, તો તમે તેના પર કર કપાતનો લાભ લઈ શકો છો. તમારે આ કર કપાત (Tax Deduction) માટે દાવો કરવો પડશે. આવકવેરા અધિનિયમ 24(B) હેઠળ, વ્યાજ પર કપાતનો લાભ દરેક પ્રકારની મિલકત પર આપવામાં આવે છે, પછી ભલે તે રહેણાંક મિલકત હોય કે વ્યાપારી. તમે પ્રોસેસિંગ ચાર્જ અને લોન માટે ચૂકવેલ પ્રીપેમેન્ટ ચાર્જને વ્યાજ હેઠળ રાખીને પણ કર કપાતનો દાવો કરી શકો છો. તમે ઘરના બાંધકામ કે ખરીદી માટે બેંકમાંથી લોન લીધી હોય કે મિત્ર-સંબંધી પાસેથી, તમે બંને પ્રકારની લોન પર કર કપાત મેળવી શકો છો.

કોમર્શિયલ પ્રોપર્ટી વેચાણ પર ટેક્સ

પોતાની માલિકી વાળી પ્રોપર્ટી જેનો ઉપયોગ પોતાના બિઝનેસ માટે કરો છો જો તે વેચવામાં આવે અને નફો થાય, તો તેને ટૂંકા ગાળાના લાભ તરીકે ગણવામાં આવશે. તમે તે મિલકત કેટલા વર્ષોથી હોલ્ડ કરી છે તેનાથી કોઈ ફરક પડતો નથી. અહીં તમારી ટેક્સ જવાબદારી ફક્ત ટૂંકા ગાળાના લાભ હેઠળ જ કરવામાં આવશે. જો તમે કોમર્શિયલ પ્રોપર્ટી ભાડે આપી હોય અને તેને વેચીને નફો થાય તો તે પણ કેપિટલ ગેઈન હેઠળ આવશે. જો આ પ્રોપર્ટી તમારી પાસે 24 મહિનાથી વધુ સમય માટે છે અને તેને વેચવા પર મૂડી લાભ થાય છે, તો તેને લાંબા ગાળાના મૂડી લાભ તરીકે ગણવામાં આવશે. આ કેપિટલ ગેઈન પર તમારે 20 ટકા ટેક્સ ચૂકવવો પડશે.

Follow us on

Related Stories

Most Read Stories

Click on your DTH Provider to Add TV9 Gujarati