IIP Data: અર્થતંત્રના મોરચે સારા સમાચાર, જૂનમાં ઔદ્યોગિક ઉત્પાદનમાં થયો વધારો
દેશના ઔદ્યોગિક ઉત્પાદન (IIP) એ જૂન 2022 દરમિયાન 12.3 ટકાની વૃદ્ધિ નોંધાવી છે. ઈન્ડેક્સ ઓફ ઈન્ડસ્ટ્રીયલ પ્રોડક્શન (IIP) અનુસાર જૂન મહિનામાં ઔદ્યોગિક ઉત્પાદનમાં 12.3 ટકાનો વધારો થયો છે.
દેશના ઔદ્યોગિક ઉત્પાદન (IIP) એ જૂન 2022 દરમિયાન 12.3 ટકાની વૃદ્ધિ નોંધાવી છે. શુક્રવારે નેશનલ સ્ટેટિસ્ટિકલ ઓફિસ (NSO) દ્વારા જાહેર કરાયેલ ઈન્ડેક્સ ઓફ ઈન્ડસ્ટ્રીયલ પ્રોડક્શન (IIP) અનુસાર જૂન મહિનામાં ઔદ્યોગિક ઉત્પાદનમાં 12.3 ટકાનો વધારો થયો છે. એક વર્ષ પહેલા, જૂન 2021 દરમિયાન, IIPમાં 13.8 ટકાનો વધારો થયો હતો.
મેન્યુફેક્ચરિંગ સેક્ટરમાં વૃદ્ધિ
આ આંકડાઓ અનુસાર જૂન 2022માં મેન્યુફેક્ચરિંગ સેક્ટરનું ઉત્પાદન 12.5 ટકા વધ્યું છે. આ સિવાય ખાણ ઉત્પાદનમાં 7.5 ટકા અને વીજળી ઉત્પાદનમાં 16.4 ટકાનો વધારો થયો છે. આ રીતે, ચાલુ નાણાકીય વર્ષના પ્રથમ ક્વાર્ટર (એપ્રિલ-જૂન) દરમિયાન, IIP 12.7 ટકા વધ્યો છે. એક વર્ષ અગાઉના સમાન સમયગાળામાં ઔદ્યોગિક ઉત્પાદનમાં 44.4 ટકાનો વધારો થયો હતો.
તમને જણાવી દઈએ કે માર્ચ 2020માં કોવિડ-19 મહામારી શરૂ કારણે એપ્રિલ-જૂન 2020ના ત્રિમાસિક ગાળામાં ઔદ્યોગિક ઉત્પાદન પર ઘણી નકારાત્મક અસર પડી હતી અને તેમાં 18.7 ટકાનો ઘટાડો થયો હતો.
IIP શું હોય છે?
તમને જણાવી દઈએ કે કોઈપણ દેશની અર્થવ્યવસ્થામાં ઈન્ડેક્સ ઓફ ઈન્ડસ્ટ્રીયલ પ્રોડક્શન (IIP)નું વિશેષ મહત્વ હોય છે. આ દર્શાવે છે કે તે દેશની અર્થવ્યવસ્થામાં ઔદ્યોગિક વૃદ્ધિ કેટલી ઝડપે થઈ રહી છે. IIP ના અનુમાન માટે 15 એજન્સીઓ પાસેથી ડેટા એકત્રિત કરવામાં આવે છે. તેમાં ઔદ્યોગિક નીતિ અને પ્રમોશન વિભાગ, ભારતીય ખાણ બ્યુરો, સેન્ટ્રલ સ્ટેટિસ્ટિકલ ઓર્ગેનાઈઝેશન અને સેન્ટ્રલ ઈલેક્ટ્રિસિટી ઓથોરિટીનો સમાવેશ થાય છે.
આંકડા મંત્રાલય દ્વારા બહાર પાડવામાં આવેલા નવીનતમ ધોરણો મુજબ, તેમાં સમાવિષ્ટ ઉત્પાદન માટેની મુખ્ય શરત એ છે કે કોમોડિટીના ઉત્પાદનના તબક્કે તેના ઉત્પાદનનું કુલ મૂલ્ય ઓછામાં ઓછું રૂ. 80 કરોડ હોવું જોઈએ.
આ ઉપરાંત, એવી પણ શરત છે કે કોમોડિટીના ઉત્પાદનનો માસિક ડેટા સતત ઉપલબ્ધ હોવો જોઈએ. ઇન્ડેક્સમાં સમાવિષ્ટ ચીજવસ્તુઓને ત્રણ જૂથોમાં વહેંચવામાં આવી છે – માઇનિંગ, મેન્યુફેક્ચરિંગ અને ઇલેક્ટ્રિસિટી.
આ પછી પેટા-શ્રેણીઓમાં વિભાજિત કરવામાં આવે છે જેમ કે બેઝિક ગુડ્સ, કેપિટલ ગુડ્સ, ઇન્ટરમીડિયેટ ગુડ્સ, કન્ઝ્યુમર ડ્યુરેબલ્સ અને કન્ઝ્યુમર નોન-ટ્યુરેબલ્સ.આ સિવાય તમને જણાવી દઈએ કે જુલાઈમાં દેશમાં રિટેલ મોંઘવારી દર ઘટીને 6.71 ટકા પર આવી ગયો છે. અગાઉ જૂનમાં રિટેલ ફુગાવો 7.01 ટકા હતો. સરકારે શુક્રવારે આ આંકડા જાહેર કર્યા છે.
Latest News Updates
