હિન્દુસ્તાન ઓઈલ લિમીટેડ 25 % પ્રીમિયમ સાથે શેર બાયબેક કરશે
જાહેર ક્ષેત્રની ઓઇલ રિફાઇનિંગ અને માર્કેટિંગ કંપની હિન્દુસ્તાન પેટ્રોલિયમ કોર્પોરેશન લિમિટેડ HPCLના શેર બાયબેકને બોર્ડ દ્વારા મંજૂરી આપવામાં આવી છે. BSE ફાઇલિંગ મુજબ આ બાયબેક હેઠળ 10 કરોડ શેર પાછા ખેંચવામાં આવશે.આ શેર કંપનીની કુલ પેઇડ-અપ ઇક્વિટી મૂડીનો 6.56% હિસ્સો છે. BSE ફાઇલિંગ મુજબ HPCL બાયબેક 250 રૂપિયા પ્રતિ યુનિટના દરે કરશે. રોકાણકારોને કંપનીના હાલના […]
BSE ફાઇલિંગ મુજબ HPCL બાયબેક 250 રૂપિયા પ્રતિ યુનિટના દરે કરશે. રોકાણકારોને કંપનીના હાલના શેરની કિંમત સામે બાયબેકમાં 24% પ્રીમિયમ મળશે. HPCLના શેર ગુરુવારે 9.8% વધીને રૂ. 205.20 પર પહોંચ્યા હતા. રેગ્યુલેટરી ફાઇલિંગમાં HPCL એ જણાવ્યું હતું કે બાયબેકમાં 2500 કરોડ રૂપિયા ખર્ચ કરવામાં આવશે. 25% પ્રીમિયમ સાથે બાયબેક્સના સમાચાર પછી HPCLના શેરમાં તેજી આવી છે. HPCL ના રિટેલ શેર ધારકોને આ બાયબેક દ્વારા રીવોર્ડ મળી શકે છે. બાયબેકની રેકોર્ડ તારીખ સહિતની અન્ય માહિતી બે દિવસમાં નક્કી થઈ જશે. ઉપરાંત બોર્ડે બીજા ક્વાર્ટરના નાણાકીય પરિણામોની પુષ્ટિ કરી છે. જુલાઈથી સપ્ટેમ્બરના ત્રિમાસિક ગાળામાં કંપનીનો ચોખ્ખો નફો 2975.83 કરોડ રૂપિયા હતો. વાર્ષિક ધોરણે ચોખ્ખા નફામાં 290% વૃદ્ધિ થઈ છે. બીજી તરફ બીજા ક્વાર્ટરમાં કંપનીની આવક વાર્ષિક ધોરણે 6.59% ઘટીને 62,439.86 કરોડ રૂપિયા નોંધાઈ છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો