Gold Price Today : ઈમ્પોર્ટ ડ્યુટી બાદ સોનાના ભાવમાં ઉછાળો આવ્યો, જાણો આજના સોનાના ભાવ

IIFL સિક્યોરિટીઝના કોમોડિટી એક્સપર્ટ અનુજ ગુપ્તાએ જણાવ્યું હતું કે ગયા અઠવાડિયે MCX પર ચાંદીના ભાવમાં 3.71 ટકાનો ઘટાડો થયો હતો અને તે 58182 રૂપિયાના સ્તરે બંધ થયો હતો.

Gold Price Today : ઈમ્પોર્ટ ડ્યુટી બાદ સોનાના ભાવમાં ઉછાળો આવ્યો, જાણો આજના સોનાના ભાવ
Gold(Symbolic Image )
Image Credit source: file photo
TV9 GUJARATI

| Edited By: Ankit Modi

Jul 04, 2022 | 1:46 PM

સરકારે સોના પર 5 ટકા ઈમ્પોર્ટ ડ્યુટીની(Import duty on Gold) જાહેરાત કર્યા બાદ ગયા સપ્તાહે તેની કિંમતમાં ઉછાળો આવ્યો હતો. સ્થાનિક બજારમાં MCX પર સોનું (Gold Price)ગયા સપ્તાહે 2.56 ટકા વધીને રૂ. 51917 પ્રતિ દસ ગ્રામ પર બંધ થયું હતું. તે જ સમયે આંતરરાષ્ટ્રીય બજારમાં સ્પોટ ગોલ્ડમાં ગયા સપ્તાહે 0.88 ટકાનો ઘટાડો નોંધાયો હતો અને તે 1810 ડોલરના સ્તરે બંધ થયો હતો. ટ્રેડિંગ દરમિયાન, તે $1784 ના સૌથી નીચા સ્તરને સ્પર્શ્યું. સ્પોટ ગોલ્ડ છ મહિનાના તળિયે છે. આ રીતે સ્થાનિક અને આંતરરાષ્ટ્રીય બજારમાં સોનાની કિંમતમાં અલગ-અલગ ટ્રેન્ડ જોવા મળી રહ્યો છે.

IIFL સિક્યોરિટીઝના કોમોડિટી એક્સપર્ટ અનુજ ગુપ્તાએ જણાવ્યું હતું કે ગયા અઠવાડિયે MCX પર ચાંદીના ભાવમાં 3.71 ટકાનો ઘટાડો થયો હતો અને તે 58182 રૂપિયાના સ્તરે બંધ થયો હતો. સાપ્તાહિક ટ્રેડિંગ દરમિયાન, તે 57537 ની નીચી સપાટીને સ્પર્શ્યો, જે બે વર્ષનો સૌથી નીચો સ્તર છે. હાજર બજારમાં પણ ચાંદીએ 20 ડોલરનું સ્તર તોડીને ઔંસ દીઠ 19.80 ડોલરના સ્તરે બંધ કર્યું હતું. આ બે વર્ષમાં સૌથી નીચું સ્તર છે. અત્યારે એગ્રી કોમોડિટીઝ અને મેટલ્સ સહિત અન્ય પ્રકારની કોમોડિટીઝ પર દબાણ છે. મંદીના કારણે માંગના અભાવની શક્યતાએ ભાવમાં ઘટાડો કર્યો છે.

મંદીની શક્યતાને કારણે સોનું વધશે

અનુજ ગુપ્તાએ કહ્યું કે યુએસ ફેડરલ રિઝર્વ આક્રમક રીતે વ્યાજ દરમાં વધારો કરી રહ્યું છે. જેના કારણે સોનાની કિંમત પર દબાણ જોવા મળી રહ્યું છે. મોંઘવારી પહેલેથી જ ટોચ પર છે. આવી સ્થિતિમાં, જો બેરોજગારીના આંકડા નબળા છે, તો તે યુએસ અર્થતંત્રમાં મંદીનો સંકેત આપે છે. જૂનમાં, યુએસ મેન્યુફેક્ચરિંગ પ્રવૃત્તિમાં બે વર્ષમાં સૌથી મોટો ઘટાડો નોંધાયો હતો. સાથે જ જૂનમાં કન્ઝ્યુમર કોન્ફિડન્સ ઈન્ડેક્સ પણ 16 મહિનાના નીચલા સ્તરે પહોંચી ગયો છે. આવી સ્થિતિમાં જો મંદીની સંભાવના વધે તો સોનું ફરી વધશે. જો કે, અત્યાર સુધી રોકાણકારો તેની શક્યતાને નકારી રહ્યા છે. તેથી ફેડરલ રિઝર્વ તરફથી વ્યાજ દરમાં વધારાની અસર જોવા મળી રહી છે અને પીળી ધાતુના ભાવ પર દબાણ જોવા મળી રહ્યું છે.

એક નજર આજના સોનાના ભાવ ઉપર

MCX GOLD :     52118.00    +201.00 (0.39%) –  01:39 વાગે
ગુજરાતમાં 10 ગ્રામ સોનાના ભાવ આ મુજબ છે –  09:32 વાગે
Ahmedavad 53843
Rajkot 53893
(Source : aaravbullion)
દેશના ચાર મહાનગરોમાં 10 ગ્રામ સોનુ આ ભાવે ટ્રેડ થઇ રહ્યું છે
Chennai 52480
Mumbai 52340
Delhi 52340
Kolkata 52340
(Source : goodreturns)

Follow us on

Related Stories

Most Read Stories

Click on your DTH Provider to Add TV9 Gujarati