Gold Price Today : સસ્તી કિંમતે સોનુ ખરીદવું છે? આજે અહીં 50 હજાર આસપાસ મળી રહ્યું છે સોનું

Gold Price Today : સસ્તી કિંમતે સોનુ ખરીદવું છે? આજે અહીં 50 હજાર આસપાસ મળી રહ્યું છે સોનું
Symbolic Image

વૈશ્વિક બજારમાં આજે સોના-ચાંદીના ભાવમાં પણ ઘટાડો નોંધાયો હતો. યુએસ બુલિયન માર્કેટમાં સોનાની હાજર કિંમત 0.3 ટકા ઘટીને ત્રણ મહિનાની નીચી સપાટીએ પહોંચી છે. અહીં સોનું 1,832.06 ડોલર પ્રતિ ઔંસના ભાવે વેચાઈ રહ્યું હતું.

TV9 GUJARATI

| Edited By: Ankit Modi

May 11, 2022 | 11:42 AM

Gold Price Today : વૈશ્વિક બજારના દબાણ હેઠળ આજે બુધવારે સવારે સોનાના વાયદાના ભાવ ત્રણ મહિનાની નીચી સપાટીએ પહોંચી ગયા હતા. લગ્નસરાની સિઝનમાં પણ સોનાનો ભાવ 50 હજારની આસપાસ પહોંચી ગયો છે જ્યારે ચાંદી 60 હજારની નજીક વેચાઈ રહી છે.મલ્ટિકોમોડિટી એક્સચેન્જ (MCX) પર સવારે 24 કેરેટ શુદ્ધતાના વાયદાનો ભાવ રૂ.228 ઘટીને રૂ.50,358 થયો હતો. સોનાના રિટેલ વાયદાના ભાવનું આ ત્રણ મહિનામાં સૌથી નીચું સ્તર છે. આજના કારોબારમાં સોનું રૂ. 50,445ના ભાવે ખુલ્યું હતું પરંતુ માંગ ઘટવાને કારણે તે 0.45 ટકા ઘટીને ત્રણ મહિનાની નીચી સપાટીએ પહોંચી ગયું હતું.

ચાંદી પણ સસ્તી થઈ

સોનાની જેમ ચાંદીના ભાવમાં પણ આજે ઘટાડો જોવા મળ્યો હતો અને તેના વાયદાના ભાવ 60 હજારની નજીક પહોંચી ગયા હતા. સવારના વેપારમાં ચાંદી રૂ. 280 ઘટીને રૂ. 60,338 પ્રતિ કિલોગ્રામ પર વેચાઈ રહી હતી. ચાંદીએ આજે ​​રૂ. 60,525ના સ્તરે કારોબાર શરૂ કર્યો હતો પરંતુ વેચવાલી વધવાને કારણે ટૂંક સમયમાં જ તેની કિંમત 0.46 ટકા ઘટીને 60,338 થઈ ગઈ હતી.

એક નજર આજના સોનાના ભાવ ઉપર

MCX GOLD :    50371.00      -215.00 (-0.43%) –  11:30 વાગે
ગુજરાતમાં 10 ગ્રામ સોનાના ભાવ આ મુજબ છે
Ahmedavad 52386
Rajkot 52406
(Source : aaravbullion)
દેશના ચાર મહાનગરોમાં 10 ગ્રામ સોનુ આ ભાવે ટ્રેડ થઇ રહ્યું છે
Chennai 52220
Mumbai 51000
Delhi 51000
Kolkata 51000
(Source : goodreturns)
વિશ્વના દેશોમાં સોનાના ભાવ ઉપર કરો એક નજર
Dubai 47430
USA 45617
Australia 45616
China 45620
(Source : goldpriceindia)

વૈશ્વિક બજારમાં પણ ભાવમાં ઘટાડો

વૈશ્વિક બજારમાં આજે સોના-ચાંદીના ભાવમાં પણ ઘટાડો નોંધાયો હતો. યુએસ બુલિયન માર્કેટમાં સોનાની હાજર કિંમત 0.3 ટકા ઘટીને ત્રણ મહિનાની નીચી સપાટીએ પહોંચી છે. અહીં સોનું 1,832.06 ડોલર પ્રતિ ઔંસના ભાવે વેચાઈ રહ્યું હતું. ચાંદીનો હાજર ભાવ પણ 0.1 ટકા ઘટીને 21.23 ડોલર પ્રતિ ઔંસ થયો હતો. આ સિવાય અન્ય કિંમતી ધાતુઓના ભાવમાં વધઘટ જોવા મળી હતી. જ્યાં પ્લેટિનમ 0.1 ટકા વધીને 964.64 ડોલર અને પેલેડિયમ 1.2 ટકા ઘટીને 2,040.25 ડોલર થયું હતું.

કેમ સોનાની ચમક ઘટી?

વાસ્તવમાં અમેરિકામાં બોન્ડ યીલ્ડ 20 વર્ષની ઊંચી સપાટીએ પહોંચી ગઈ છે અને મોડી સાંજે મોંઘવારીના આંકડા પણ આવવાના છે. અગાઉ રોકાણકારો ખૂબ જ સાવધ દેખાતા હતા અને તેમણે સોના-ચાંદીની ખરીદી ઘટાડી દીધી છે. ડૉલરમાં પણ થોડો ઘટાડો થયો છે જેની અસર સોના-ચાંદીની કિંમતો પર જોવા મળી રહી છે. આ સિવાય IMFએ આ વર્ષે વૈશ્વિક વિકાસ દરમાં ઘટાડો કર્યો છે જેની અસર સોનાની ખરીદી પર પડી રહી છે.

Follow us on

Related Stories

Most Read Stories

Click on your DTH Provider to Add TV9 Gujarati