Gold Price Today : સોનું ફરી 50 હજારને પાર પહોંચ્યું, જાણો આજના લેટેસ્ટ રેટ
વૈશ્વિક બજારમાં સોના-ચાંદીની ચમક ફીકી પડી છે. આજના કારોબારમાં પણ બંને ધાતુના બજાર નરમ રહ્યા હતા. યુએસ માર્કેટમાં સોનું 1,825.24 ડોલર પ્રતિ ઔંસના હાજર ભાવે વેચાઈ રહ્યું છે
Gold Price Today : વૈશ્વિક બજારમાં અસ્થિરતાને કારણે આજે સ્થાનિક બુલિયન માર્કેટમાં પણ સોના-ચાંદીના ભાવ(Gold – Silver Price)માં ઉછાળો જોવા મળ્યો હતો. લગ્નસરાની સિઝનમાં માંગ વધવાને કારણે સોનાનો ભાવ ફરી 50 હજારને પાર પહોંચી ગયો છે જ્યારે ચાંદીનો ભાવ 61 હજારની આસપાસ ચાલી રહ્યો છે. મલ્ટિકોમોડિટી એક્સચેન્જ (MCX) પર સવારે 24 કેરેટ શુદ્ધતાના વાયદાની કિંમત રૂ. 157 વધીને રૂ. 50,405 પ્રતિ 10 ગ્રામ થઈ ગઈ છે. એક્સચેન્જમાં સવારે 50,399ના દરે ટ્રેડિંગ શરૂ થયું હતું અને માંગમાં વધારો થવાને કારણે તે 0.31 ટકા વધીને રૂ. 50,405 પર પહોંચી ગયો હતો. અગાઉ સોનાના ભાવમાં સતત ઘટાડો જોવા મળ્યો હતોઅને તેની કિંમત 50 હજારની નીચે આવી ગઈ હતી.
સોનાની જેમ ચાંદીમાં પણ આજના કારોબારમાં તેજી જોવા મળી રહી છે. મલ્ટિકોમોડિટી એક્સચેન્જમાં સવારે ચાંદી રૂ. 181 વધી રૂ. 61,107 પ્રતિ કિલોગ્રામ પર પહોંચી હતી. ચાંદીએ પણ સવારે વધારા સાથે 60,985 પર ખુલ્લેઆમ કારોબાર શરૂ કર્યો હતો, પરંતુ વધતી માંગ અને વપરાશને કારણે, તે ટૂંક સમયમાં 0.30 ટકાનો ઉછાળો દર્શાવવા લાગ્યો હતો અને ચાંદીના વાયદાના ભાવ 61 હજારને પાર કરી ગયા હતા.
વૈશ્વિક બજારમાં સોના-ચાંદીની ચમક ફીકી પડી છે. આજના કારોબારમાં પણ બંને ધાતુના બજાર નરમ રહ્યા હતા. યુએસ માર્કેટમાં સોનું 1,825.24 ડોલર પ્રતિ ઔંસના હાજર ભાવે વેચાઈ રહ્યું છે અને તે 0.09 ટકા ઘટ્યું છે. એ જ રીતે, ચાંદીનો હાજર ભાવ પણ ઔંસ દીઠ 21.61 ડોલર પર ટ્રેડ થઈ રહ્યો હતો જે ગઈકાલના બંધથી ફ્લેટ ટ્રેડ થઈ રહ્યો છે. ગયા મહિને ચાંદીની કિંમત 27 ડોલર પ્રતિ ઔંસની નજીક પહોંચી ગઈ હતી.
| એક નજર આજના સોનાના ભાવ ઉપર | |
| MCX GOLD : 50400.00 +152.00 (0.30%) – 01:03 વાગે | |
| ગુજરાતમાં 10 ગ્રામ સોનાના ભાવ આ મુજબ છે | |
| Ahmedavad | 52220 |
| Rajkot | 52240 |
| (Source : aaravbullion) | |
| દેશના ચાર મહાનગરોમાં 10 ગ્રામ સોનુ આ ભાવે ટ્રેડ થઇ રહ્યું છે | |
| Chennai | 52050 |
| Mumbai | 50780 |
| Delhi | 50780 |
| Kolkata | 50780 |
| (Source : goodreturns) | |
| વિશ્વના દેશોમાં સોનાના ભાવ ઉપર કરો એક નજર | |
| Dubai | 46697 |
| USA | 45578 |
| Australia | 45637 |
| China | 45599 |
| (Source : goldpriceindia) | |
મિસ્ડ કોલ દ્વારા સોનાનો રેટ જાણો
તમને જણાવી દઈએ કે તમે ઘરે બેઠા સોનાના રેટ સરળતાથી જાણી શકો છો. આ માટે તમારે માત્ર આ નંબર 8955664433 પર મિસ્ડ કોલ આપવો પડશે અને તમારા ફોન પર એક મેસેજ આવશે જેમાં તમે લેટેસ્ટ રેટ ચેક કરી શકો છો. હાલના સમયમાં સતત થઇ રહેલ વધારાથી કિંમત ધ્યાનમાં રહેવી જરૂરી છે.
Latest News Updates
