બમ્પર કમાણી માટે તૈયાર રહેજો ! આ પ્રોફિટેબલ કંપનીનો આવી રહ્યો છે IPO

ઇ-કોમર્સ પર ધ્યાન કેન્દ્રિત કરતી ઇન્ફોટેક (IT) ફર્મ, Unicommerce એ IPO દ્વારા ભંડોળ એકઠુ કરવા માટે બજાર નિયમનકાર સેબીને દસ્તાવેજો સબમિટ કર્યા છે. સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા સેબી સમક્ષ ફાઈલ કરવામાં આવેલા ડ્રાફ્ટ દસ્તાવેજો અનુસાર, આ આઈપીઓ વેચાણ માટે સંપૂર્ણ ઓફર હશે. જેમાં શેરધારકો દ્વારા રાખવામાં આવેલા કુલ 2.98 કરોડ ઈક્વિટી શેરનો સમાવેશ થશે.

શેરધારકોને સીધો ફાયદો

OFS હેઠળ, જાપાનની સોફ્ટબેંકની પેટાકંપની એસબી ઇન્વેસ્ટમેન્ટ હોલ્ડિંગ્સ (યુકે) લિમિટેડ 1.61 કરોડ શેરનું વેચાણ કરશે. આ સિવાય પ્રમોટર એસેવેક્ટર લિમિટેડ (અગાઉનું સ્નેપડીલ લિમિટેડ) 1.14 કરોડ શેર વેચશે અને B2 કેપિટલ પાર્ટનર્સ 22 લાખ શેર વેચશે. IPO સંપૂર્ણપણે OFS આધારિત હોવાથી, તેમાંથી થતી સમગ્ર આવક વેચનાર શેરધારકોને જશે અને કંપનીને કંઈપણ મળશે નહીં.

પબ્લિક ઈશ્યુમાં ફ્રેશ શેર જારી કરવામાં આવશે નહીં. આનો અર્થ એ થયો કે IPOમાંથી મળેલા નાણાં શેરધારકોને જશે જેઓ OFS હેઠળ શેર વેચાણ માટે મૂકશે. DRHP મુજબ, રૂ 1 ની ફેસ વેલ્યુ ધરાવતા કુલ 29,840,486 ઇક્વિટી શેર OFS માં વેચાણ માટે મૂકવામાં આવશે.

શું કરે છે કંપની ?

Unicommerce એ SaaS પ્લેટફોર્મ છે જે વિવિધ ઈ-કોમર્સ વ્યવસાયોને સમર્થન પૂરું પાડે છે. કંપની બ્રાન્ડ્સ, રિટેલર્સ, માર્કેટપ્લેસ અને લોજિસ્ટિક્સ પ્રદાતાઓને એન્ડ-ટુ-એન્ડ ઈ-કોમર્સ કામગીરી માટે સોફ્ટવેર પ્રદાન કરે છે. આ કંપની દક્ષિણ પૂર્વ એશિયા અને મધ્ય પૂર્વ જેવા ઘણા દેશોમાં તેની સેવા આપી રહી છે. તેના વિકસતા વ્યવસાયમાં રોકાણ કરનારા ઘણા રોકાણકારોએ તાજેતરમાં યુનિકોમર્સમાં હિસ્સો ખરીદ્યો છે. તેની પાસે ખૂબ જ સારી નફાકારકતા અને વૃદ્ધિનો રેકોર્ડ છે, અને તેણે વર્ષોથી સારું પ્રદર્શન કર્યું છે.

OFS હેઠળ, SB ઇન્વેસ્ટમેન્ટ હોલ્ડિંગ્સ (UK) લિમિટેડ, જે જાપાનની SoftBankની પેટાકંપની છે, 1.61 કરોડ શેર વેચશે. આ સિવાય પ્રમોટર એસેવેક્ટર લિમિટેડ (અગાઉનું સ્નેપડીલ લિમિટેડ) 1.14 કરોડ શેર અને B2 કેપિટલ પાર્ટનર્સ 22 લાખ શેર વેચશે.

આ કંપની નફામાં છે

નાણાકીય વર્ષ 2023 માં, યુનિકોમર્સે તેની આવકમાં 52.56% વૃદ્ધિ નોંધાવી છે, જે અગાઉના વર્ષમાં 47.55% હતી. સપ્ટેમ્બર 2023 સુધીમાં, તેણે રૂ. 103.74 કરોડની વાર્ષિક રિકરિંગ આવક હાંસલ કરી છે. યુનિકોમર્સનો વ્યાપાર સમગ્ર ભારતમાં તેમજ 6 અન્ય દેશોમાં ફેલાયેલો છે, અને તે લેન્સકાર્ટ, ફેબિન્ડિયા, ઝિવામે, ટીસીએનએસ, મામાઅર્થ, ઈમામી, સુગર, બોટ, પોર્ટ્રોનિક્સ, ફાર્મસી, જીએનસી, સેલો, અર્બન કંપની જેવી ઘણી મોટી કંપનીઓને તેની સેવાઓ પ્રદાન કરે છે.

નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.