ફોર્બ્સ રીઅલ ટાઇમ બિલિયોનેરની યાદીમાં મુકેશ અંબાણી છઠ્ઠા સ્થાનેથી ઉતરીને 9 માં સ્થાને પહોંચ્યા
ફોર્બ્સ રીઅલ ટાઇમ બિલિયોનેરમાં મુકેશ અંબાણી છઠ્ઠા સ્થાનેથી સીધા 9 માં સ્થાને પહોંચ્યા છે. ભારતીય શેરબજારમાં સોમવારનો દિવસ મુકેશ અંબાણીની રિલાયન્સ ઇન્ડસ્ટ્રીઝ માટે થોડો મુશ્કેલ રહ્યો હતો. વેચવાલીના પગલે શેર ૮.૬૨ જેટલો ગગડ્યો હતો. શેર તૂટવાથી કંપનીની માર્કેટ કેપમાં પણ મોટો ઘટાડો થયો હતી જેની સીધી અસર દેશની સૌથી મોટી કંપનીના ચેરમેનની નેટવર્થ ઉપર પણ […]
અંબાણીની નેટવર્થ ૫૦.૬૪ હજાર કરોડ ઘટી છે. બજારમાં કંપનીના શેરમાં ભારે વેચવાને કારણે મુકેશ અંબાણી વિશ્વની સૌથી ધનિકોમાં ક્રમ ઉપરથી નીચે આવી ગયા છે. મુકેશ અંબાણી ફોર્બ્સ રીઅલ ટાઇમ બિલિયોનેરમાં છઠ્ઠા સ્થાનેથી નવમા સ્થાને આવી ગયા છે. સોમવારે રિલાયન્સ ઇન્ડસ્ટ્રીઝનો શેર 8.62% ઘટીને 1877.30 પર બંધ રહ્યો હતો. કંપનીના માર્કેટ કેપમાં પણ રૂ. 1.05 લાખ કરોડનો ઘટાડો થયો છે. મુકેશ અંબાણી હવે ફોર્બ્સ રીઅલ ટાઇમ બિલિયોનેરમાં ગુગલના સહ-સ્થાપક લેરી પેજથી પાછળ રહી ગયા છે. અંબાણીની કુલ સંપત્તિમાં 6.8 અબજ ડોલરના ઘટાડાથી 71.5 અબજ ડોલરે પહોંચી છે જ્યારે લેરી પેજની કુલ સંપત્તિ 71.9 અબજ ડોલર છે. મુકેશ અંબાણી આ વર્ષે જુલાઈમાં રેન્કિંગમાં 5 મા સ્થાને પણ પહોંચ્યા હતા. ફોર્બ્સ રેન્કિંગમાં ટોચનું સ્થાન એમેઝોનના સીઇઓ અને સ્થાપક જેફ બેઝોસનું છે જેમની કુલ સંપત્તિ 179.4 અબજ ડોલર છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો