દેશના અર્થતંત્ર માટે રાહતના સમાચાર, GST કલેક્શનનો આંકડો સતત બીજા મહિને 1 લાખ કરોડને પાર
કોરોનાના આતંકથી બહાર આવતા દેશમાં હવે આર્થિક પ્રવૃત્તિમાં સતત વૃદ્ધિ થઈ રહી છે. ગુડ્ઝ એન્ડ સર્વિસ ટેક્સ (GST ) કલેક્શનના આંકડા અચ્છે દિન આવવા તરફ ઈશારો કરી રહ્યા છે. સરકારી માહિતી અનુસાર નવેમ્બર 2020માં કુલ જીએસટી કલેક્શન 1,04,963 કરોડ રૂપિયા રહ્યું હતું. જીએસટી કલેક્શનનો આંકડો 1 લાખ કરોડને પાર કરી જતા મોટી રાહત માનવામાં આવી […]
કોરોનાના આતંકથી બહાર આવતા દેશમાં હવે આર્થિક પ્રવૃત્તિમાં સતત વૃદ્ધિ થઈ રહી છે. ગુડ્ઝ એન્ડ સર્વિસ ટેક્સ (GST ) કલેક્શનના આંકડા અચ્છે દિન આવવા તરફ ઈશારો કરી રહ્યા છે. સરકારી માહિતી અનુસાર નવેમ્બર 2020માં કુલ જીએસટી કલેક્શન 1,04,963 કરોડ રૂપિયા રહ્યું હતું. જીએસટી કલેક્શનનો આંકડો 1 લાખ કરોડને પાર કરી જતા મોટી રાહત માનવામાં આવી રહી છે. આ સતત બીજો મહિનો છે, જયારે સારું કલેક્શન થયું છે. જીએસટી કલેક્શન ઓક્ટોબર 2020માં 1,05,155 કરોડ રૂપિયા હતું. નવેમ્બર મહિનામાં CGST દ્વારા રૂ. 19,189 કરોડ અને SGST દ્વારા 25,540 કરોડ અને IGSTથી 51,992 કરોડની આવક પ્રાપ્ત થાય છે. 30 નવેમ્બર સુધીમાં 82 લાખ જીએસટીઆર -3 બી રિટર્ન ફાઈલ કરવામાં આવ્યા છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
એક નજર વર્ષ 2020માં થયેલા જીએસટી કલેક્શન ઉપર
મહિનો | કલેક્શન (કરોડ રૂપિયા ) |
જાન્યુઆરી | 1,10,828 |
ફેબ્રુઆરી | 1,05,366 |
માર્ચ | 97,597 |
એપ્રિલ | 32,172 |
મે | 62,151 |
જૂન | 90,917 |
જુલાઈ | 87,422 |
ઓગષ્ટ | 86,449 |
સપ્ટેમ્બર | 95,480 |
ઓક્ટોબર | 1,05,155 |
નવેમ્બર | 1,04,963 |
જીએસટીની આવકમાં હાલના સુધારણાના વલણને કારણે નવેમ્બર 2020ની આવકમાં એક વર્ષ અગાઉના સમાન સમયગાળાની તુલનામાં 1.4%ની વૃદ્ધિ જોવા મળી છે. આ મહિનામાં માલની આયાતથી થતી આવકમાં 9.9% નો વધારો થયો છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો