Corporate FD બેંક ડિપોઝિટ કરતાં 3% સુધી વધુ વળતર આપશે, જાણો કઇ રીતે કરશો રોકાણ અને શું છે જોખમ
બચત ખાતા પર ઓછા વ્યાજ દર એ મોટી ચિંતા બની છે. લોકો નિશ્ચિત કમાણીના નવા સ્રોત શોધી રહ્યા છે. આ કારણ છે કે નિષ્ણાતો રોકાણકારોને કોર્પોરેટ ડિપોઝીટ (Corporate FD) વિશે માહિતી આપી રહ્યા છે. તે ઝડપી આવકનો નવો સ્રોત બની રહ્યો છે.
બચત ખાતા પર ઓછા વ્યાજ દર એ મોટી ચિંતા બની છે. લોકો નિશ્ચિત કમાણીના નવા સ્રોત શોધી રહ્યા છે. આ કારણ છે કે નિષ્ણાતો રોકાણકારોને કોર્પોરેટ ડિપોઝીટ (Corporate FD) વિશે માહિતી આપી રહ્યા છે. તે ઝડપી આવકનો નવો સ્રોત બની રહ્યો છે.
કોર્પોરેટ એફડી (Corporate FD) બેંક FD જેવી જ છે. કંપની આ FD પર ઊંચો વ્યાજ દર ઓફર કરે છે. ઉદાહરણ તરીકે સ્ટેટ બેંક ઓફ ઇન્ડિયા 5-વર્ષના એફડી પર 5.40% વ્યાજ ચૂકવે છે જ્યારે કંપની ડિપોઝિટ પર સમાન સમયગાળામાં 5.5 થી 8.40% વ્યાજ મળી રહ્યું છે. બજાજ ફાઇનાન્સ લિમિટેડ પાંચ વર્ષના ગાળામાં 5 કરોડ સુધીની એફડી પર 7% વાર્ષિક વ્યાજ ચૂકવે છે. તેવી જ રીતે શ્રીરામ ટ્રાન્સ ફાઇનાન્સ 5 વર્ષ માટે 8.40% ઓફર કરે છે. આ ઉદાહરણોથી સમજી શકાય છે કે કંપનીઓ બેંક ડિપોઝિટ કરતાં 1-3% વધુ વ્યાજ ચૂકવે છે. કોર્પોરેટ એફડી પર વિશ્વાસ મૂકીએ તે પહેલાં તેમાં રહેલા જોખમને પણ સમજવું પડશે.
કોર્પોરેટ ડિપોઝિટ શું છે? કોર્પોરેટ એફડી બેંક એફડી જેવી છે. બેંક દ્વારા એફડી આપવામાં આવે છે જ્યારે કંપનીઓ કોર્પોરેટ એફડી આપે છે. આ માધ્યમથી કંપનીઓ મોટે ભાગે NBFC તેમની જરૂરીયાતો માટે બજારમાંથી નાણાં એકત્ર કરે છે. બદલામાં તેઓ રોકાણકારોને 1 થી 7 વર્ષની એફડી માટે આકર્ષક વ્યાજ દર આપે છે.
કેટલું જોખમી છે? Corporate FD માં જમા કરાયેલા તમારા પૈસા જોખમમાં રહે છે કારણ કે કંપની ડિફોલ્ટર હોવાનો પણ ભય છે. તે પહેલાં પણ ઘણી વખત જોવા મળ્યું છે કે સારી ક્રેડિટ રેન્કિંગ હોવા છતાં ઘણી કંપનીઓ ડિફોલ્ટર્સ સાબિત થઈ છે. ઉદાહરણ તરીકે દિવાન હાઉસિંગ ફાઇનાન્સ કોર્પોરેશન (DHFL) એ તેના નોન-કન્વર્ટિબલ ડિબેંચર્સ (NCDs) ને 2016 માં શરૂ કર્યું હતું. પ્રથમ દિવસે તે 6 વખત સબ્સ્ક્રાઇબ થયો જો કે, હાઉસિંગ ફાઇનાન્સ કંપની 2019 માં બોન્ડ ચુકવણી કરવામાં નિષ્ફળ ગઈ હતી.
કેટલો ટેક્સ લાગશે? કોર્પોરેટ એફડી દ્વારા મેળવેલું વ્યાજ ‘કમાણીના અન્ય સ્રોત’ હેઠળ આવરી લેવામાં આવશે અને તેના પર ટેક્સ લાગશે. આ પછી તમારી આવક પર ટેક્સ સ્લેબ હેઠળ કર લાગશે. જો તમારી આવક 10% ટેક્સ સ્લેબમાં આવે છે તો પછી 10% ટેક્સ લાગશે. જો ટેક્સ સ્લેબ રેટ 30% છે તો પછી ટેક્સ રેટ સૌથી વધુ હશે.