Commodity Market Today : સરકારના આ પગલાથી બાસમતી ઉત્પાદકોને ભારે નુકસાન, પોષણસમ ભાવ નહીં મળવાની રાવ

Commodity Market Today : ભારતના બજારોમાં બાસમતીચોખાનું આગમન શરૂ થઈ ગયું છે. ગત વર્ષની સરખામણીએ આ વખતે ખેડૂતોને ડાંગરના ઓછા ભાવ મળી રહ્યા છે. ખેડૂતોનું કહેવું છે કે આ વર્ષે બાસમતી ચોખાના વેચાણમાં તેમને નુકસાન થઈ રહ્યું છે.

જો ખેડૂતો(Farmers)ની વાત માનીએ તો આ વખતે તેઓને પ્રતિ ક્વિન્ટલ 400 થી 500 રૂપિયા ઓછા મળી રહ્યા છે. તે જ સમયે, ખેડૂતોનો આરોપ છે કે કેન્દ્ર સરકારે મસમતી ચોખાની લઘુત્તમ નિકાસ કિંમત(Minimum Export Price – MSP) 1,200 ડોલર પ્રતિ ટન નક્કી કરી હોવાને કારણે તેઓને નુકસાન થઈ રહ્યું છે.

ભારત બાસમતીનો વિશ્વનો સૌથી મોટો નિકાસકાર છે. તે તેના ઉત્પાદનના 80 ટકા બાસમતી ચોખાની નિકાસ કરે છે. આવી સ્થિતિમાં, નિકાસને કારણે તેનો દર સતત ઉપર અને નીચે થતો રહે છે. જો બાસમતી ચોખાની લઘુત્તમ નિકાસ કિંમત પ્રતિ ટન $850 થી વધી જાય તો વેપારીઓને નુકસાન થશે. જેના કારણે ખેડૂતોને પણ નુકશાન થશે. કારણ કે વેપારીઓ ખેડૂતો પાસેથી ઓછા ભાવે બાસમતી ચોખા ખરીદશે. દરમિયાન, એવા સમાચાર છે કે બાસમતી ચોખાની નવી પાક 1509 જાતના ભાવમાં ઘટાડો થયો છે. ગયા અઠવાડિયે તેના ભાવમાં પ્રતિ ક્વિન્ટલ રૂ. 400નો ઘટાડો થયો હતો.

આ પણ વાંચો : Commodity Market Today: મસાલાના ભાવમાં સતત વધઘટ, જાણો શું છે અન્ય Commodity ના હાલ

ખેડૂતોને નુકસાન સહન કરવું પડશે

ફાર્મર્સ વેલ્ફેર ક્લબના પ્રમુખ વિજય કપૂરનું કહેવું છે કે મિલરો અને નિકાસકારો ખેડૂતોને વાજબી દર આપતા નથી. તેઓ ખેડૂતો પર ઓછા ભાવે બાસમતી ખરીદવા દબાણ કરી રહ્યા છે. તેમના મતે જો સરકાર 15 ઓક્ટોબર પછી લઘુત્તમ નિકાસ કિંમત પાછી ખેંચી લે તો ખેડૂતોને ઘણો સારો નફો મળશે. તેમણે કહ્યું કે પંજાબના વેપારીઓ 1509 જાતના બાસમતી ચોખા હરિયાણાથી ઓછા ભાવે ખરીદી રહ્યા છે. જેના કારણે ખેડૂતોને નુકશાની વેઠવી પડી રહી છે.

રૂપિયા 1,000 કરોડનું નુકસાન થશે

હરિયાણામાં કુલ 1.7 મિલિયન હેક્ટર વિસ્તારમાં બાસમતી ચોખાની ખેતી થાય છે. તેમાંથી લગભગ 40 ટકા હિસ્સો 1509 વેરાયટીનો છે. ઓલ ઈન્ડિયા રાઇસ એક્સપોર્ટર્સ એસોસિએશનના ભૂતપૂર્વ પ્રમુખ વિજય સેટિયાના જણાવ્યા અનુસાર, જો બાસમતીના ભાવ આ રીતે જ ચાલુ રહેશે તો ખેડૂતોને કુલ 1,000 કરોડ રૂપિયાનું નુકસાન થશે.