આગામી 3 મહિનામાં 90 ટકા હોમબાયર્સ કરી રહ્યા છે ઘર ખરીદવાની તૈયારી, 3BHKની માંગમાં આવ્યો જબરદસ્ત ઉછાળો
એક રિપોર્ટ અનુસાર 90 ટકા સંભવિત ઘર ખરીદનારાઓએ કહ્યું કે તેઓ આગામી ત્રણ મહિનામાં પોતાના માટે ઘર ખરીદશે. મોટાભાગના લોકોએ મોટું મકાન ખરીદવામાં રસ દાખવ્યો છે. ઓનલાઈન અભ્યાસ અને કામ માટે ઘરમાં એક નાનકડો ઓરડો પસંદ કરવામાં આવી રહ્યો છે.
છેલ્લા કેટલાક વર્ષોમાં રિયલ એસ્ટેટ માર્કેટમાં ઘણો સુધારો થયો છે. જે ભાવ આસમાને હતા તે હવે વાજબી સ્તરે છે. તેના કારણે હવે મકાનોનું વેચાણ ફરી વેગ પકડી રહ્યું છે. એક રિપોર્ટ અનુસાર 90 ટકા સંભવિત ખરીદનારાઓએ કહ્યું કે તેઓ આગામી ત્રણ મહિનામાં પોતાના માટે ઘર ખરીદશે. 80 ટકા ખરીદદારોએ કહ્યું કે તેમનું બજેટ 75 લાખની રેન્જમાં છે. JLL અને RoofandFloorના રિપોર્ટમાં આ દાવો કરવામાં આવ્યો છે.
હોમબાયર પ્રેફરન્સ સર્વે 2021ના રિપોર્ટ અનુસાર ડેવલપર્સ ખૂબ ઓછા માર્જિન સાથે વેચવા માટે તૈયાર છે અને તેઓ વેચી પણ રહ્યા છે. રિયલ એસ્ટેટ માર્કેટમાં સુધારો જોવા મળી રહ્યો છે અને ડેવલપર્સ હવે ઘર ખરીદનારાઓને ઓછી ઓફર કરી રહ્યા છે. રિપોર્ટ અનુસાર કોરોના પછી લોકોની પસંદગી બદલાઈ ગઈ છે. તેમને મોટા ઘર ગમવા લાગ્યા છે. આવી સ્થિતિમાં આ વર્ષના બીજા ભાગમાં નવા પ્રોજેક્ટ્સના લોન્ચિંગને વેગ મળે તેવી ધારણા છે.
3 BHKની માંગમાં નોંધપાત્ર વધારો થયો
બદલાતા સમયમાં 3 BHKની માંગ ઘણી વધી ગઈ છે. બેંગલુરુ, ચેન્નઈ, હૈદરાબાદ અને દિલ્હી એનસીઆરમાં 3BHK એપાર્ટમેન્ટની માંગમાં નોંધપાત્ર વધારો થયો છે. બેંગ્લોર, હૈદરાબાદ અને ચેન્નઈમાં વિલાની માંગમાં પણ વધારો થયો છે. ઘર ખરીદનારાઓ હવે પોતાના માટે એક નાનકડો રૂમની વર્ક ફ્રોમ અથવા ઓનલાઈન ક્લાસીસ માટે ડીમાન્ડ કરી રહ્યા છે.
ખરીદદારો હરિયાળી જગ્યા પસંદ કરે છે
લોકેશનની વાત કરીએ તો ઘર, સ્કુલ અને ઓફિસની નજીક હોવુ જોઈએ, આ વિચારધારા બદલાઈ રહી છે. ખરીદદારો હવે એવા સ્થળોએ પોતાના માટે ઘર શોધી રહ્યા છે, જ્યાં હરિયાળી હોય, ભીડ ન હોય, આરોગ્ય સંભાળની યોગ્ય સુવિધાઓ અને ઘરનું કદ મોટું હોવું જોઈએ. મોટાભાગના ખરીદદારો પોતાના માટે ઘર ખરીદી રહ્યા છે. કેટલાક લોકો પ્રથમ વખત ઘર ખરીદી રહ્યા છે, એવા ખરીદદારો છે જે અપગ્રેડ કરી રહ્યા છે. કેટલાક ખરીદદારો એવા પણ છે જે લોકેશન પ્રમાણે રી-લોકેટ કરી રહ્યા છે.
2500 સંભવિત ઘરની પૂછપરછ દ્વારા કરાયો સર્વે
આ સર્વે રિપોર્ટ 2500 સંભવિત ઘર ખરીદનારાઓના પ્રતિસાદના આધારે નક્કી કરવામાં આવ્યો છે. આ ખરીદદારો મુંબઈ, દિલ્હી એનસીઆર, બેંગ્લોર, હૈદરાબાદ, ચેન્નઈ અને પૂણેના છે. રિપોર્ટમાં દાવો કરવામાં આવ્યો છે કે હવે જો કોરોનાની ત્રીજી લહેર નહીં આવે તો આ વર્ષના બીજા ભાગમાં માંગ સારી રહેવાની ધારણા છે. બીજા હાફમાં નવા પ્રોજેક્ટ્સના લોન્ચિંગને પણ વેગ મળશે.
બેંકો હોમ લોન પર પણ ઘણી ઓફર આપી રહી છે
બેંકો તરફથી હોમ લોન પર પણ બમ્પર ડિસ્કાઉન્ટ આપવામાં આવી રહ્યું છે. દેશની સૌથી મોટી બેંક SBIએ હોમ લોન પર ઘણી સુવિધાઓ આપવાની જાહેરાત કરી છે. 6.70 ટકા વ્યાજ સાથે પ્રોસેસિંગ ફી માફ કરવામાં આવી રહી છે સાથે ગ્રાહકોને બેલેન્સ ટ્રાન્સફરની સુવિધા પણ આપવામાં આવી રહી છે. કોટક મહિન્દ્રા બેંક 6.5% પર 20 વર્ષ માટે 75 લાખની લોન પૂરી પાડે છે.
આ પણ વાંચો : કાપડ ઉદ્યોગ માટે ટૂંક સમયમાં થઈ શકે છે એક મોટી જાહેરાત, ખૂબ મોટુ નિકાસકાર બનશે ભારત
Latest News Updates
