લગ્નની સિઝનમાં આ 7 સ્ટોકે લોકોને કર્યા માલામાલ, 6 મહિનામાં જ આપ્યું શાનદાર રિટર્ન
CAITના અહેવાલ મુજબ, 2024માં નવેમ્બર-ડિસેમ્બરમાં ભારતમાં 48 લાખ લગ્નો થવાની ધારણા છે. આ લગ્નોથી 6 લાખ કરોડ રૂપિયાનો બિઝનેસ થવાની આશા છે. આ લગ્ન સીઝનમાં જ્વેલરી સેક્ટરમાં પણ ખૂબ ઉછાળો જોવા મળ્યો છે, અને ઘણા જ્વેલરી શેર્સમાં મોટો વધારો નોંધાયો છે. આ અહેવાલ 75 મોટા શહેરોના ડેટા પર આધારિત છે.
આ 7 જ્વેલરી સ્ટોક્સમાંથી, 4 જ્વેલરી સ્ટોક્સ છે જેણે છેલ્લા 6 મહિનામાં રોકાણકારોને 243% સુધીનું મલ્ટિબેગર વળતર આપ્યું છે. ચાલો તેમના નામ જાણીએ.
PC જ્વેલર શેર- યાદીમાં પહેલો શેર પીસી જ્વેલરનો છે. આ શેરે છેલ્લા 6 મહિનામાં 243 ટકા વળતર આપ્યું છે. છ મહિના પહેલા આ શેરની કિંમત 49 રૂપિયા હતી અને હાલ તેની કિંમત 171.40 રૂપિયાના સ્તરે પહોંચી ગઈ છે.
ગોલ્ડિયમ ઇન્ટરનેશનલ શેર્સ- છેલ્લા 6 મહિનામાં ગોલ્ડિયમ ઈન્ટરનેશનલના શેરમાં 150% નો વધારો થયો છે, આ શેરની કિંમત 156 રૂપિયાથી વધીને 418 રૂપિયા થઈ ગઈ છે.
કલ્યાણ જ્વેલર્સ ઇન્ડિયા શેર- કલ્યાણ જ્વેલર્સ ઇન્ડિયાના શેર છેલ્લા 6 મહિનામાં રૂ. 407 થી રૂ. 732ના સ્તરે પહોંચી ગયા છે, એટલે કે 6 મહિનામાં તેણે 79 ટકાનો નફો આપ્યો છે.
રાધિકા જ્વેલટેક શેર- રાધિકા જ્વેલટેકના શેરે છેલ્લા 6 મહિનામાં 83 ટકા વળતર આપ્યું છે, આ જ સમયગાળા દરમિયાન શેરની કિંમત રૂ. 61 થી રૂ. 112 સુધી પહોંચી ગઈ છે.
રેનેસાન્સ ગ્લોબલ શેર- રેનેસાન્સ ગ્લોબલ શેરના ભાવે છેલ્લા 6 મહિનામાં 83 ટકાથી વધુ વળતર આપ્યું છે, જે દરમિયાન શેરની કિંમત રૂ. 105 થી રૂ. 189ના સ્તરે પહોંચી ગઈ છે.
થંગામિલ જ્વેલરી શેર- થંગામિલ જ્વેલરીના શેરે છેલ્લા 6 મહિનામાં 59% વળતર આપ્યું છે, આ 6 મહિનામાં શેરની કિંમત 1329 રૂપિયાથી વધીને 2,119.00 રૂપિયાના સ્તરે પહોંચી ગઈ છે.
મોતીસન્સ જ્વેલર્સ શેર - છેલ્લા 6 મહિનામાં આ જ્વેલરી શેર 17 થી 28 રૂપિયાના સ્તરે પહોંચી ગયો છે.
Published On - 12:54 pm, Sat, 7 December 24
