Vinayak Chaturthi 2021: ગણપતિને શા માટે પસંદ છે મોદક? જાણો પૌરાણિક કથા
દરેક મહિનામાં શુક્લ પક્ષ અને કૃષ્ણ પક્ષ પર આવતી ચતુર્થી તિથિ ગણપતિ બાપ્પાને સમર્પિત છે. પૂર્ણિમા (પૂર્ણૃષ્ટિ ચતુર્થી) પછીની ચતુર્થી અને અમાવાસ્ય તિથિ (અમાસ) પછીની ચતુર્થી વિનાયક ચતુર્થી તરીકે ઓળખાય છે.
દરેક મહિનામાં શુક્લ પક્ષ અને કૃષ્ણ પક્ષ પર આવતી ચતુર્થી તિથિ ગણપતિ બાપ્પાને સમર્પિત છે. પૂર્ણિમા (પૂર્ણૃષ્ટિ ચતુર્થી) પછીની ચતુર્થી અને અમાવાસ્ય તિથિ (અમાસ) પછીની ચતુર્થી વિનાયક ચતુર્થી તરીકે ઓળખાય છે. આજે વર્ષની પ્રથમ વિનાયક ચતુર્થી છે. ગણપતિને મંગલકર્તા, વિઘ્નહર્તા દેવતા માનવામાં આવતા હોવાથી તે જીવનમાં આવતા વિઘ્નો દૂર કરે છે, તેથી ચતુર્થીના દિવસે, તેમના ભક્તો ઉપવાસ રાખે છે અને ભગવાન ગણેશને પ્રસન્ન કરવાનો પ્રયાસ કરે છે. ગણેશજીને મીઠાઈ, ખાસ કરીને મોદક પસંદ છે. પરંતુ શું તમે જાણો છો કે મોદક તેમની પ્રિય વાનગી શા માટે છે? ચાલો તમને જણાવીએ
આ પ્રસંગ પાછળ ગણેશ અને માતા અનસૂયાની કથા પ્રચલિત છે. એવું કહેવામાં આવે છે કે એક વખત ગણપતિ ભગવાન શિવ અને માતા પાર્વતીની સાથે અનસૂયાના ઘરે ગયા હતા. તે સમયે ગણપતિ, ભગવાન શિવ અને માતા પાર્વતી ખૂબ ભૂખ્યા હતા, ત્યારબાદ માતા અનસૂયાએ ભોલેનાથને કહ્યું કે મારે પહેલા બાળ ગણેશને ભોજન આપવુ છે,ત્યારબાદ આપ લોકોને જમાડીશ.
તે લાંબા સમય સુધી ગણપતિને ખવડાવતી રહી, પરંતુ હજી પણ તેની ભૂખ શાંત નહોતી થઈ. ત્યાં હાજર બધા લોકો આ જોઈને આશ્ચર્યચકિત થયા. ભોલેનાથ અહીં તેની ભૂખને કાબૂમાં રાખીને બેઠા હતા. અંતે અનુસુઆએ વિચાર્યું કે તેને કંઈક મીઠું ખવડાવવું જોઈએ. મીઠાઈ ભારે હોવાને કારણે મીઠાઈથી ગણપતિની ભૂખ મટે છે. એમ વિચારીને તેણે ભગવાન ગણેશને મીઠાઈનો ટુકડો આપ્યો, તે ખાધા પછી ગણપતિએ જોરથી એક ઓડકાર લીધો અને પછી તેની ભૂખ શાંત થઈ ગઈ.
તે જ સમયે ભોલેનાથને પણ 21 ઓડકાર આવ્યા અને કહ્યું કે તેનું પેટ ભરાઈ ગયું છે. પાછળથી દેવી પાર્વતીએ માતા અનસૂયાને પેલી મીઠાઈનું નામ પૂછ્યું જે તેણે બાળ ગણેશને પીરસી હતી, તે પછી માતા અનુસૈયાએ કહ્યું કે આ મીઠાઈને મોદક કહેવામાં આવે છે. ત્યારથી, ભગવાન ગણેશને 21 મોદક અર્પણ કરવાની પરંપરા શરૂ થઈ. એવું માનવામાં આવે છે કે આવું કરવાથી ગણપતિની સાથે બધા દેવતાઓનું પેટ ભરાય છે અને તેઓ પ્રસન્ન થાય છે.
Latest News Updates
