તમારું ખાતું એ બેંકોમાં છે જે મર્જ થઇ છે , તો આ વિગતો અપડેટ કરો નહીતો પડશો મુશ્કેલીમાં
સિન્ડિકેટ બેંક, અલ્હાબાદ બેંક, દેના બેંક, યુનાઇટેડ બેંક ઓફ ઇન્ડિયા, વિજયા બેંક, ઓરિએન્ટલ બેંક ઓફ કોમર્સ, આંધ્ર બેંક અને કોર્પોરેશન બેંક એ જાહેર ક્ષેત્રની બેંકો છે જે મર્જ થઈ ગઈ છે. આ કારણે આ બેંકોના જૂના આઇએફએસસી કોડ નકામા થઈ ગયા છે.
સિન્ડિકેટ બેંક, અલ્હાબાદ બેંક, દેના બેંક અને યુનાઇટેડ બેંક વગેરેના જૂના IFSC કોડ જાહેર ક્ષેત્રની બેંકોના મર્જર પછી બિન ઉપયોગી બન્યા છે. આ સાથે નેટ બેંકિંગ અથવા ઓનલાઇન ટ્રાંઝેક્શન થશે નહીં. જો તમને પણ આવી સમસ્યાઓનો સામનો કરવો પડી રહ્યો છે તો તમારે નવો કોડ મેળવવાની જરૂર છે. આ માટે બેંક શાખામાં જવાની પણ જરૂર નથી. તમે ઘરે બેસીને નવો IFSC કોડ જાણી શકો છો.
રજિસ્ટ્રેશનથી IFSC કોડ બદલો તમારો આઈએફએસસી કોડ બદલવા માટે તમારે તમારી બેંકની સત્તાવાર વેબસાઇટની મુલાકાત લેવાની જરૂર છે અને પછી તમારી વિગતો ભરીને નવા આઈએફએસસી કોડ માટે નોંધણી કરાવવી પડશે. ગ્રાહકો બેંકોના ટોલ ફ્રી નંબર પર કોલિંગ કરીને પણ મદદ લઈ શકે છે.
આ રીતે પણ નવો કોડ પણ મેળવી શકો છો જુના IFSC કોડને નવા સાથે બદલવા માટે ગ્રાહકોએ તેમની બેંક પ્રૂફની સોફ્ટકોપી સબમિટ કરવાની રહેશે. તમે તમારા નોંધાયેલા મોબાઈલ નંબરથી ઓનલાઇન કરેક્શન માટે વિનંતી મોકલી શકો છો જે આધારકાર્ડ સાથે જોડાયેલ છે.
બેંક શાખામાંથી IFSC અપડેટ કરી શકાય જો તમારું ખાતું એ બેંકોમાં છે જે મર્જ થઈ ગઈ છે, તો તમારે નવું આઈએફએસસી કોડ મેળવવા માટે તમારી જૂની પાસબુક અને ચેક બુક બેંકને સોંપવી પડશે. બદલામાં તેઓ તમને પાસબુક અને તમારી અપડેટ કરેલી વિગતોવાળી ચેકબુક આપશે.
આ બેંકોના કોડ અમાન્ય થયા સિન્ડિકેટ બેંક, અલ્હાબાદ બેંક, દેના બેંક, યુનાઇટેડ બેંક ઓફ ઇન્ડિયા, વિજયા બેંક, ઓરિએન્ટલ બેંક ઓફ કોમર્સ, આંધ્ર બેંક અને કોર્પોરેશન બેંક એ જાહેર ક્ષેત્રની બેંકો છે જે મર્જ થઈ ગઈ છે. આ કારણે આ બેંકોના જૂના આઇએફએસસી કોડ નકામા થઈ ગયા છે. આ બેન્કોના ખાતા ધારકોને ઓનલાઇન બેંકિંગ સુવિધાઓનો લાભ યથાવત રાખવા માટે વેબ પોર્ટલ પર તેમના આઈએફએસસી કોડ્સને અપડેટ કરવા કહેવામાં આવ્યું છે.
Latest News Updates
