મોટી બાઈક્સ પણ આ 5 ઈલેક્ટ્રિક સ્કૂટર્સની સામે છે ફેલ, સિંગલ ચાર્જમાં દોડશે 240 કિલોમીટર, જાણો વધુ વિગત
ઓટોમોબાઈલ ઉદ્યોગ વિશ્વભરમાં Electrification તરફ આગળ વધી રહ્યો છે અને ફક્ત ફોર-વ્હીલર્સ જ નહીં પણ ટુ-વ્હીલર્સ પણ હવે ધીરે ધીરે Internal Combustion Engines પરથી Battery Packs અને Electric Motorsનો વિક્લપ પસંદ કરી રહ્યા છે.
આજે અમે તમારા માટે ટોચના 5 ઈલેક્ટ્રિક સ્કૂટર્સ લાવી રહ્યા છે, જે ઘણી મોટી બાઈકોને પણ માત આપી શકે છે. ભારતીય ઓટોમોટિવ માર્કેટમાં ઈલેક્ટ્રિક વાહનોની માંગ દિવસેને દિવસે વધી રહી છે અને એટલે જ ઘણી કંપનીઓ હવે આ સેગમેન્ટને લક્ષ્ય બનાવી રહી છે. તે સંજોગોમાં આજે અમે તમારા માટે ટોચના 5 ઈલેક્ટ્રિક સ્કૂટર્સ લાવ્યા છીએ, જે ઘણી મોટી બાઈકોને હરાવી શકે છે.
ઓલા ઈલેક્ટ્રિક સ્કૂટર (Ola electric scooter): ઓલા ટૂંક સમયમાં આ સ્કૂટરને ભારતીય બજારમાં લોન્ચ કરશે. જે Etergo Appscooter નો ઉપયોગ કરીને સ્વેપ કરવા યોગ્ય બેટરી પેકનો ઉપયોગ કરી શકે છે. કંપનીનો દાવો છે કે આ સ્કૂટરને એક જ વખત ચાર્જ કર્યા બાદ 240 કિ.મીની મુસાફરી કરી શકાશે.
સુઝુકી બર્ગમેન ઇલેક્ટ્રિક સ્કૂટર (Suzuki burgman electric scooter): જાપાની ઓટોમોબાઈલ કંપની ટૂંક સમયમાં ભારતીય બજારમાં સુઝુકી બર્ગમેન ઇલેક્ટ્રિક સ્કૂટર લોન્ચ કરી શકે છે. આ સ્કૂટરમાં એલઈડી હેડલેમ્પ્સવાળી શક્તિશાળી સુવિધાઓ આપી શકાય છે. કંપની આના સ્પેક્સ વિશે ટુંક સમયમાંજ વધુ માહિતી બહાર પાડશે.
સિમ્પલ એનર્જી ઈલેક્ટ્રિક સ્કૂટર (Simple energy electric scooter): બેંગ્લોર સ્થિત સ્ટાર્ટ-અપ કંપની આ સ્કૂટરને સિમ્પલ એનર્જી માર્ક 2 નામથી લોંચ કરી શકે છે. તેમાં 4.8kWનો બેટરી પેક છે. આ સ્કૂટરને એક જ વખત ચાર્જ કર્યા બાદ 240 કિ.મીની મુસાફરી કરી શકાશે. આ સ્કૂટર 0થી 100 કિલોમીટર પ્રતિ કલાકની ઝડપે માત્ર 3.6 સેકન્ડમાં પહોંચી શકે છે.
હીરો મોટોકોર્પ ઇલેક્ટ્રિક સ્કૂટર (Hero motocorp electric scooter): હીરોએ તેમના ઈલેક્ટ્રિક સ્કૂટર માટે ગોગોરો સાથે ભાગીદારી કરી છે. કંપની નિશ્ચિત બેટરી સાથે સ્વેપ યોગ્ય બેટરી મોડેલ પર પણ કામ કરી રહી છે. હાલમાં આ સ્કૂટરના સ્પેક્સ વિશે જાણવા મળ્યુ છે કે કંપની માસ્ટ્રો સ્કૂટરનું ઈલેક્ટ્રિક વેરિઅન્ટ પણ લોંચ કરવાની તૈયારી કરી રહી છે.
એથર મેક્સી સ્કૂટર (Ather maxi scooter): એથર એનર્જી હાલમાં ભારતીય ઈલેક્ટ્રિક સ્કૂટર ક્ષેત્ર પર પ્રભુત્વ ધરાવે છે. કંપની પહેલેથી જ કેટલાક રાજ્યોમાં ઈલેક્ટ્રિક ચાર્જિંગ સ્ટેશન સ્થાપિત કરી ચૂકી છે. સ્કૂટરમાં વિંડો સ્ક્રીન, બોલ્ડ ફ્રન્ટ એપ્રોન અને લાંબી સીટ સહિતની ઘણી સુવિધાઓ ઓફર કરી શકાય છે.